இந்தியப் பெருங்கடலில் கடற்படைகளின் நீடித்த செயற்பாட்டை வலுப்படுத்த திருகோணமலை கலந்துரையாடல்

கடல்சார் பாதுகாப்பு

இந்நிகழ்வில் இலங்கை கடற்படையின் பிரதான பணியாளர் துணைத் தலைவர் மற்றும் கிழக்குக் கடற்படைப் பிராந்தியத் தளபதி ரியர் அட்மிரல் புத்திக லியனகமகே பிரதம அதிதியாகக் கலந்து கொண்டார்.

“ஆற்றல் திறன் மூலம் கடல்சார் செயற்பாட்டுத் தயார்நிலையை மேம்படுத்துதல்: சமகால மூலோபாய சவால்களை எதிர்கொள்ளுதல்” என்ற கருப்பொருளில் இக்கலந்துரையாடல் நடைபெற்றது.

இந்தியப் பெருங்கடலில் மாறிவரும் மூலோபாய சவால்களுக்கு மத்தியில், நீண்ட காலம் செயற்படக்கூடிய கடல்சார் படைகளின் மீள்திறன் மற்றும் சகிப்புத்தன்மையை வலுப்படுத்த வேண்டியதன் அவசியம் விவாதிக்கப்பட்டது. நீடித்த செயற்பாட்டுக்கு படைகள் மாற்றத்துக்கு ஏற்ப செயல்படக்கூடியதாகவும், வளங்களைச் சிறப்பாகப் பயன்படுத்தக்கூடியதாகவும் இருக்க வேண்டும் என வலியுறுத்தப்பட்டது.

முக்கிய உரையை கிழக்கு கடற்படைத் தளபதி அலுவலகத்தின் கப்பல் கட்டும் துறைப் பொறுப்பாளர் கொமடோர் பிரியங்கர திசாநாயக்க நிகழ்த்தினார். தொடர்ந்து பல்வேறு ஆய்வுக் கட்டுரைகள் சமர்ப்பிக்கப்பட்டன.

ஆற்றல் திறன் என்பது செயற்பாட்டு மீள்திறன் மற்றும் நீடித்த செயல்திறனை மேம்படுத்தும் முக்கியக் கருவியாகக் குறிப்பிடப்பட்டது. தொழில்நுட்பம், கோட்பாடு, பயிற்சி, செயற்பாட்டுத் திட்டமிடல் மற்றும் தளவாடம் ஆகியவற்றை ஒருங்கிணைத்த அணுகுமுறை அவசியம் என பங்கேற்பாளர்கள் தெரிவித்தனர்.

கடற்படைத் தலைமையகம் கிழக்குக் கடற்படைத் தளபதி அலுவலகம் இலங்கை இராணுவம் விமானப்படை. கடல்சார் கல்வியாளர்கள் மற்றும் கடற்படை மற்றும் கடல்சார் பயிற்சி அகாடமியின் பயிற்சி அதிகாரிகள் இதில் பங்கேற்றனர்.

மேலும் தொடர்புடைய செய்திகளை Technology பகுதியில் பார்க்கலாம்.

மேலும் தொடர்புடைய செய்திகளை Technology பகுதியில் பார்க்கலாம்.