அமெரிக்காவின் முன்னணி நிறுவனங்களின் தலைமை நிர்வாக அதிகாரிகள் (CEO) பெற்ற சம்பளம் 2025ஆம் ஆண்டில் மீண்டும் குறிப்பிடத்தக்க அளவில் உயர்ந்துள்ளதாக புதிய ஆய்வு ஒன்று காட்டியுள்ளது. Associated Press மற்றும் Equilar இணைந்து வெளியிட்ட தரவுகளின்படி S&P 500 நிறுவன CEOக்களின் நடுத்தர ஆண்டு ஊதியம் 5.9 சதவீதம் உயர்ந்து 17.7 மில்லியன் அமெரிக்க டொலராக பதிவாகியுள்ளது. இதேவேளை சாதாரண ஊழியர்களின் நடுத்தர வருமானம் சுமார் 89,744 டொலராக இருந்தது.

இதனால் பல நிறுவனங்களில் CEOக்கள் தங்களது ஊழியர்களைவிட நூற்றுக்கணக்கான மடங்கு அதிக வருமானம் பெறுகின்றனர் என்பது வெளிப்பட்டுள்ளது. சம்பள உயர்வின் முக்கிய காரணமாக பங்கு விருதுகள் போனஸ் கொடுப்பனவுகள் மற்றும் செயல்திறன் அடிப்படையிலான ஊக்கத் தொகைகள் குறிப்பிடப்படுகின்றன. சில நிறுவனங்களில் CEO–ஊழியர் சம்பள விகிதம் 1,700 மடங்குக்கும் அதிகமாக இருந்ததாக அறிக்கையில் தெரிவிக்கப்பட்டுள்ளது. இந்த வேறுபாடு வருமான சமத்துவம் நிறுவன நிர்வாகம் மற்றும் தொழிலாளர் உரிமைகள் குறித்து அமெரிக்காவில் மீண்டும் விவாதங்களை ஏற்படுத்தியுள்ளது.