ஒப்பந்ததாரர் அளித்த புகாரில் கூறப்பட்ட தகவல்கள்
திருநெல்வேலி கே.டி.சி நகர் பகுதியைச் சேர்ந்த கட்டிட ஒப்பந்ததாரர் பேச்சிமுத்து, முதுகுவலிக்காக பிசியோதெரபி சிகிச்சை பெறச் சென்றபோது மதுமிதா அறிமுகமானதாக தெரிவித்துள்ளார். 2022ஆம் ஆண்டு திருநெல்வேலி நீதிமன்றப் பகுதியில் உள்ள பேருந்து நிறுத்தத்திற்கு வருமாறு மதுமிதா அழைத்ததாகவும், அங்கு தனது காரில் ஏறியதாகவும் அவர் கூறியுள்ளார்.
பின்னர் மதுமிதாவை நெல்லை பேருந்து நிலையத்தில் இறக்கிவிட்டு வீட்டுக்குச் சென்றபோது, கழுத்தில் அணிந்திருந்த 5 பவுன் நகை காணாமல் போனதை கவனித்ததாக புகாரில் தெரிவித்துள்ளார். இதுகுறித்து கேட்டபோது மதுமிதா மிரட்டியதாகவும், புகார் அளித்தால் அவதூறாகப் பேசி அசிங்கப்படுத்துவதாக மிரட்டியதால் உடனடியாக புகார் அளிக்கவில்லை என்றும் அவர் கூறியுள்ளார்.
YouTuber Madumitha theft case தொடர்பாக ராஜாக்கமங்கலம் காவல் நிலையத்தில் புகார் அளிக்கப்பட்டது. சம்பவம் திருநெல்வேலி மாவட்ட எல்லைக்குள் நடந்ததாகக் கூறப்படுவதால், வழக்கை அங்கு மாற்றுவதற்கான நடவடிக்கைகளை போலீஸார் மேற்கொண்டு வருகின்றனர்.
இதற்கு முன்பு, மதுமிதாவின் வீட்டில் இருந்து சுமார் 118 சவரன் நகைகள் கொள்ளையடிக்கப்பட்ட வழக்கில் நான்கு பேர் கைது செய்யப்பட்டு, 98 சவரன் நகைகள் மீட்கப்பட்டிருந்தன. அவரது வீடியோக்களைப் பார்த்து வீட்டை அடையாளம் கண்டதாக கைதானவர்கள் தெரிவித்திருந்தனர்.
