இதற்கு கூடுதலாக, வருமான வரம்புகளையும் (plafonds de ressources) நிலைப்படுத்தும் நடவடிக்கை Bercy அமைச்சகத்தில் ஆராயப்படுகிறது. இதனால், வீட்டு வசதி உதவி (APL), உடல் ஊனமுற்றோருக்கான உதவி (AAH), மற்றும் குழந்தை பராமரிப்பு உதவி (Paje) போன்ற பல்வேறு திட்டங்கள் நேரடியாக பாதிக்கப்படலாம் என வணிகச் சட்ட நிபுணர் மற்றும் Droit-Finances பத்திரிகையின் தலைமை ஆசிரியர் Matthieu Blanc தெரிவித்துள்ளார்.
இந்த முன்மொழிவு அமல்படுத்தப்பட்டால், 2026ஆம் ஆண்டில் 2024ஆம் ஆண்டின் நிகர வருமானம் அடிப்படையாக எடுத்துக் கொள்ளப்படும். இதனால், 2023 முதல் 2024 வரை வருமானம் அதிகரித்த பயனாளர்கள் 2026 ஜனவரி 1ஆம் தேதி முதல் CAF உதவிகளை இழக்கும் நிலை உருவாகும்.
2024ஆம் ஆண்டில் பிரான்சில் சம்பளங்கள் சராசரியாக 3% உயரக்கூடும் என கணிக்கப்பட்டுள்ள நிலையில், வருமான வரம்புகளை நிலைப்படுத்துவது ஆயிரக்கணக்கான குடும்பங்களுக்கு பெரிய தாக்கத்தை ஏற்படுத்தும் அபாயம் உள்ளது. இதனால் சிலர் குறைந்த நிலை உதவிகளுக்குள் தள்ளப்பட, சிலர் முழுமையாக தங்கள் உரிமைகளை இழக்க நேரிடலாம்.
