மோதிய பின்னரும் அந்த வாகனம் வடக்கு நோக்கி தொடர்ந்து சென்றது. பின்னர் Phoenix Road-க்கு இடதுபுறமும், Sudlow Road-க்கு வலதுபுறமும், அதன் பிறகு Forrest Road-க்கு இடதுபுறமும் திரும்பியதாக போலீசார் கூறினர். வாகனத்தின் முன்பகுதி சேதமடைந்திருக்கும் என நம்பப்படுவதுடன், சம்பவ இடத்தில் வெளிப்புறக் கண்ணாடியின் ஒரு பகுதி கண்டெடுக்கப்பட்டுள்ளது.
ஓட்டுநரைத் தேடும் போலீசார்
அருகிலுள்ள ஒரு நிறுவனத்தின் கண்காணிப்பு கேமராவில் பதிவான காட்சிகளை போலீசார் வெளியிட்டுள்ளனர். அதில், அதிகாலை வெளிச்சத்தில் முன்விளக்குடன் சைக்கிளில் செல்லும் பரட்டோர் காட்சியிலிருந்து விலகியதும், வெள்ளை நிற நான்கு சக்கர வாகனம் வேகமாகக் கடந்து செல்வது பதிவாகியுள்ளது. Bibra Lake hit-and-run தொடர்பாக ஓட்டுநரை அடையாளம் காண போலீசார் பொதுமக்களின் உதவியை நாடுகின்றனர்.
பரட்டோர் அன்பான கணவர் மற்றும் அர்ப்பணிப்புள்ள தந்தை என நண்பர்கள் தெரிவித்தனர். அவர் சைக்கிள் ஓட்டுவதை உடல்நலம் மற்றும் உடற்தகுதியை மேம்படுத்துவதற்காகத் தொடங்கியதாகவும், சைக்கிள் ஓட்டுதல் தனது வாழ்க்கையை மாற்றியதாக அடிக்கடி கூறியதாகவும் நண்பர் ஜெஃப் கிர்பெல்ஜா தெரிவித்தார். சம்பவ இடத்தில் மலர்களும், “வானத்தில் தொடர்ந்து சவாரி செய்” என்ற செய்தியுடன் கூடிய தலைக்கவசமும் வைக்கப்பட்டுள்ளன.
இந்த ஆண்டு மேற்கு ஆஸ்திரேலியாவில் சைக்கிள் ஓட்டுநர் உயிரிழந்த ஆறாவது சம்பவம் இதுவென WestCycle அமைப்பு தெரிவித்துள்ளது. சைக்கிள் ஓட்டுநர்களை முந்திச் செல்லும்போது குறைந்தது ஒரு மீட்டர் முதல் 1.5 மீட்டர் வரை இடைவெளி வைக்க வேண்டும் என்ற விதிகள் போதுமானதாக இல்லை என அந்த அமைப்பின் தலைமை நிர்வாகி வேய்ன் பிராட்ஷா கூறினார்.
