இந்திய ஒன்றிய உள்துறை அமைச்சர் அமித் ஷா தலைமையில் நடைபெற்ற கூட்டத்தில், வங்காள விரிகுடா பல்துறை தொழில்நுட்ப மற்றும் பொருளாதார ஒத்துழைப்பு அமைப்பின் உறுப்பு நாடுகளின் அமைச்சர்கள் கலந்துகொண்டனர்.
பிராந்திய பாதுகாப்பு ஒத்துழைப்புக்கு முக்கியத்துவம்
மாறிவரும் பாதுகாப்பு அச்சுறுத்தல்களை எதிர்கொள்வதற்கான பிராந்திய ஒத்துழைப்பை வலுப்படுத்துவது குறித்து BIMSTEC Home Ministers Meeting-ல் ஆலோசிக்கப்பட்டது. பாதுகாப்பான, உறுதியான மற்றும் சவால்களை எதிர்கொள்ளும் திறன் கொண்ட வங்காள விரிகுடா பிராந்தியத்தை உருவாக்குவது தொடர்பிலும் கவனம் செலுத்தப்பட்டது.
பொதுவான பாதுகாப்பு இலக்குகளை முன்னெடுக்க பிராந்திய நாடுகளை ஒன்றிணைத்ததற்காக இந்திய உள்துறை அமைச்சர் அமித் ஷாவுக்கும் இந்திய அரசுக்கும் அமைச்சர் ஆனந்த விஜேபால பாராட்டு தெரிவித்தார். பிராந்திய பாதுகாப்புச் சவால்களைச் சமாளிப்பதில் உறுப்புநாடுகளின் கூட்டு உறுதிப்பாட்டையும் இந்தக் கூட்டம் வெளிப்படுத்தியது.
BIMSTEC அமைப்பில் வங்கதேசம், பூடான், இந்தியா, மியான்மர், நேபாளம், இலங்கை மற்றும் தாய்லாந்து ஆகிய ஏழு நாடுகள் இடம்பெற்றுள்ளன.
