நடிகர் சிவகுமார் கல்வி அறக்கட்டளையின் 47-வது ஆண்டு விழா அகரம் பவுண்டேஷன் அலுவலகத்தில் நடைபெற்றது. கல்லூரியில் சேர்ந்துள்ள 25 மாணவ, மாணவியருக்கு தலா ரூ.10 ஆயிரம் கல்வி ஊக்கத்தொகை வழங்கப்பட்டது. மூத்த ஓவியர் ஜீவானந்தனுக்கு ரூ.1 லட்சம் பொற்கிழியுடன் விருது வழங்கி கவுரவிக்கப்பட்டார்.
அகரம் விழாவில் சூர்யா பேச்சு
திண்டிவனம் தாய் தமிழ்ப் பள்ளி ஆசிரியர்களின் மாதச் சம்பளப் பங்களிப்புக்காக ரூ.6,28,000, ஈரோடு சுடர் அமைப்புக்கு ரூ.2 லட்சம், வாழை அமைப்புக்கு ரூ.3 லட்சம் நிதியுதவி வழங்கப்பட்டது.
அகரம் தொடங்கி 20 ஆண்டுகள் கடந்துவிட்டதாகவும், முதல் தலைமுறை மாணவர்களின் குடும்பங்களில் சுமார் 7 ஆயிரம் பேரைத் தங்கள் பணிகள் சென்றடைந்துள்ளதாகவும் சூர்யா தெரிவித்தார். நம்முடைய முன்னேற்றத்துக்கு உதவியவர்களை மறக்காமல், நாமும் குறைந்தது ஒருவரையாவது உயர்த்த வேண்டும் என்றார்.
Suriya on Instagram Reels என்ற விவாதத்தில், யாரைப் பின்தொடர்கிறோம் என்பது முக்கியம் என்றும், பாட்காஸ்ட்கள் மற்றும் ஆய்வுத் தகவல்கள் நமக்குள் இருக்கும் திறமையை வெளிக்கொணர உதவும் என்றும் அவர் கூறினார்.
