கேமரா இயக்கத்துடன் மாறும் மெய்நிகர் உலகம்
இந்த முறையில் கேமரா இடம், வேகம் மற்றும் கோணம் மாறும்போது, எல்.இ.டி. திரையில் தெரியும் முப்பரிமாணப் பின்னணியும் அதற்கேற்ப மாற வேண்டும். கேமரா டிராக்கிங் தொழில்நுட்பம் மற்றும் நிகழ்நேரக் கணினி இயங்குதளங்கள் இதைச் சாத்தியமாக்குகின்றன. அருகிலுள்ள பொருட்கள் வேகமாகவும் தொலைவிலுள்ள பொருட்கள் மெதுவாகவும் நகர்வது போன்ற பார்வைக்கோண மாற்றம் இயல்பான ஆழத்தை உருவாக்குகிறது.
Virtual production technology பயன்படுத்தும் அமைப்பில் உயர்தர எல்.இ.டி. வளைவு, கேமரா பின்தொடர்தல் கருவிகள், அதிவேகக் கணினிகள் மற்றும் பல்வேறு தொழில்நுட்ப நிபுணர்கள் தேவைப்படுகின்றனர். எனவே முன் தயாரிப்பில் திட்டமிடலும், ஒவ்வொரு காட்சிக்கும் பொருத்தமான தொழில்நுட்பத்தைத் தேர்வு செய்வதும் முக்கியம்.
சென்னையில் உள்ள சினிமா ஃபேக்டரி அகாடமியில், ஒளிப்பதிவாளர் மனோஜ் பரமஹம்சா தலைமையில் இந்தத் துறைக்கான நடைமுறைப் பயிற்சிகள் வழங்கப்படுகின்றன. எல்.இ.டி. திரை, அன்ரியல் எஞ்ஜின், முப்பரிமாணச் சூழல், நிற மேலாண்மை மற்றும் கேமரா ஒருங்கிணைப்பு உள்ளிட்ட அம்சங்கள் இதில் கற்பிக்கப்படுகின்றன. சினிமாவைத் தாண்டி மருத்துவம், வாகனத் துறை, கல்வி, விளம்பரம் மற்றும் ஒளிபரப்பிலும் இந்தத் தொழில்நுட்பம் பயன்படுகிறது.
