மாணவியின் புகாரில் ஆசிரியர் மீது வழக்கு
சிறப்பு வகுப்புக்கு வந்த மாணவியை வாழ்த்தி பரிசுப்பொருள் வழங்குவதுபோல் ஆசிரியர் அடிக்கடி பாலியல் ரீதியாக துன்புறுத்தியதாக புகாரில் கூறப்பட்டுள்ளது. மேலும், வாட்ஸ் ஆப்பில் ஆபாச பதிவுகளை அனுப்பியதாகவும் தெரிவிக்கப்பட்டுள்ளது. காலப்போக்கில் தொல்லை அதிகரித்ததால் அதிர்ச்சியடைந்த மாணவி, நடந்தவற்றை தனது பெற்றோரிடம் தெரிவித்துள்ளார்.
இதையடுத்து மாணவியின் பெற்றோர் பள்ளி தலைமையாசிரியரிடம் புகார் அளித்துள்ளனர். ஆனால் உடனடி நடவடிக்கை எடுக்கப்படாத நிலையில், பெற்றோரும் உறவினர்களும் ஆசிரியரை கைது செய்ய வலியுறுத்தி பள்ளியை முற்றுகையிட வந்ததாக கூறப்படுகிறது.
பின்னர் பென்னாகரம் அனைத்து மகளிர் போலீசார் மாணவியிடம் புகார் பெற்று விசாரணை நடத்தினர். புகாரில் முகாந்திரம் இருப்பது உறுதி செய்யப்பட்டதையடுத்து, கணித ஆசிரியர் தங்கவேல் மீது போக்சோ சட்டப்பிரிவின் கீழ் வழக்குப் பதிவு செய்யப்பட்டது. தொடர்ந்து அவர் தருமபுரி மாவட்ட சிறையில் அடைக்கப்பட்டார். இந்த Dharmapuri POCSO case தொடர்பான விசாரணை தொடர்ந்து நடைபெற்று வருகிறது.
