பிரான்ஸ் வந்துள்ள போப் லியோன் XIV, பயணத்தின் போது அமைதியைப் பிரகடனப்படுத்துவதே தனது நோக்கம் என்று விமானப் பயணத்தின்போது தெரிவித்தார். பல முக்கியமான விவகாரங்கள் குறித்து இந்தப் பயணத்தில் பேச உள்ளதாகவும் அவர் கூறினார்.
பாரிஸ் நிகழ்ச்சி நிரலில் அமைதி மற்றும் செயற்கை நுண்ணறிவு
முதல் நாளின் பிற்பகுதியில் யுனெஸ்கோ தலைமையகத்தில் போப் உரையாற்ற உள்ளார். அல்கோரிதங்களின் சாத்தியமான தவறான பயன்பாடுகள் குறித்து கவலை அதிகரித்து வரும் நிலையில், செயற்கை நுண்ணறிவை ஒழுங்குபடுத்த வேண்டும் என்ற தனது அழைப்பை அவர் மீண்டும் வலியுறுத்துவார் என எதிர்பார்க்கப்படுகிறது.
பின்னர் மாலை 5.15 மணிக்கு நோற்றர்-டாம் தேவாலயத்தில் குருக்கள், திருத்தொண்டர்கள் மற்றும் குருத்துவப் பயிற்சியாளர்களுக்காக மாலைப் பிரார்த்தனையை நடத்துகிறார். 2024 டிசம்பரில் தேவாலயம் மீண்டும் திறக்கப்பட்ட பிறகு அங்கு செல்லும் முதல் போப் லியோன் XIV ஆவார்.
அன்றைய தினத்தின் இறுதியாக, பாரிஸின் வடக்கில் உள்ள செயிண்ட்-டெனியில் அமைந்துள்ள ஸ்டேட் டி பிரான்ஸ் மைதானத்தில் இளைஞர்களுக்கான பிரார்த்தனை விழாவில் அவர் பங்கேற்கிறார். 17 முதல் 35 வயதுக்குட்பட்ட 80,000 இளைஞர்கள் இதில் கலந்துகொள்ள உள்ளனர். Pope Leo XIV France visit பாரிஸ், லூர்து மற்றும் மெட்ஸ் ஆகிய மூன்று கட்டங்களைக் கொண்டது. பாதுகாப்புப் பணியில் 17,000 தன்னார்வலர்கள், 15,000 காவல்துறை மற்றும் ஜெண்டர்மெரி பணியாளர்கள் ஈடுபடுத்தப்பட்டுள்ளனர். மேலும், 2,500 அங்கீகரிக்கப்பட்ட செய்தியாளர்கள் பயணத்தை செய்தியாக்க உள்ளனர்.
