Citizen Lab மற்றும் Confiant வெளியிட்ட தனித்தனி அறிக்கைகளின்படி, Discover-Tech-ன் விளம்பரங்கள் 1,20,000-க்கும் மேற்பட்ட இணையதளங்களிலும் 75,000 செயலிகளிலும் இடம்பெற்றுள்ளன. நிறுவனம் நாளொன்றுக்கு குறைந்தது ஒரு கோடி விளம்பரங்களை உலகம் முழுவதும் வெளியிட்டதாக Confiant தெரிவித்துள்ளது. குக்கீ பொருத்துதல் எனப்படும் தரவுப் பகிர்வு முறையின் மூலம், விளம்பரம் காட்டப்பட்ட பகுதிக்கு அப்பாலும் பயனர்களைக் கண்காணிக்க முடிந்ததாக கூறப்படுகிறது.
கத்தார் ஊடக நிறுவனத்தின் சாதனங்கள் பாதிப்பு
அமெரிக்க அரசால் 2021ஆம் ஆண்டு கருப்புப் பட்டியலில் சேர்க்கப்பட்ட Candiru உள்ளிட்ட உளவு மென்பொருள் நிறுவனங்களுக்கு, Discover-Tech-ன் விளம்பர வலையமைப்பு அணுகலை வழங்கியதாக ஆய்வாளர்கள் கூறினர். Candiru-வுடன் தொடர்புடைய விளம்பரங்கள், 2024 முதல் 2025 வரையிலான காலத்தில் கத்தாரைச் சேர்ந்த அல் ஜசீரா ஊடக நிறுவனத்தின் 45 விண்டோஸ் சாதனங்களைப் பாதிக்கப் பயன்படுத்தப்பட்டதாக Citizen Lab தெரிவித்துள்ளது.
பென்டகன், சர்வதேச அணுசக்தி நிறுவனம், சர்வதேச குற்றவியல் நீதிமன்றம், ஐக்கிய நாடுகள் சபை, நேட்டோ மற்றும் ஐரோப்பிய ஆணையம் உள்ளிட்ட முக்கிய வலையமைப்புகளிலும் தீங்கு விளைவிக்கும் விளம்பரங்கள் காட்டப்பட்டதாக Confiant கூறியது. பாலஸ்தீனப் பகுதிகளில் இவ்விளம்பரங்கள் அதிகமாகத் தோன்றியதாகவும் தெரிவிக்கப்பட்டது. Google, IAB Europe மற்றும் Comcast நிறுவனத்தின் Beeswax தளம், கொள்கை மீறல்கள் அல்லது சமீபத்திய செயல்பாடுகளைச் சுட்டிக்காட்டி Discover-Tech-ஐ தங்கள் தளங்களில் இருந்து நீக்கியுள்ளன. Discover-Tech spyware ads தொடர்பான குற்றச்சாட்டுகள் குறித்து அந்த நிறுவனம் பதிலளிக்கவில்லை.
