இரண்டு கட்டங்களில் உருவாகும் சாலைத் திட்டம்
முதல் கட்டம் சார்ஜாவில் உள்ள அல் ஷ்னூஃப் சாலையிலிருந்து துபாய்-அல் ஐன் சாலை வரை சுமார் 30 கிலோமீட்டர் நீளத்தில் அமையும். இந்தப் பகுதியில் பயண நேரம் 60 சதவீதம் குறையும். இந்தக் கட்டம் சுமார் 600,000 பேருக்கு சேவை வழங்கும் என தெரிவிக்கப்பட்டுள்ளது. இதற்கான மதிப்பிடப்பட்ட செலவு 3.5 பில்லியன் திர்ஹம்கள்.
இரண்டாம் கட்டம் துபாய்-அல் ஐன் சாலையிலிருந்து அபுதாபியில் உள்ள அல் ஃபயா சாலை வரை 50 கிலோமீட்டர் நீளத்தில் அமையும். இங்கு 50 நிமிட பயணம் 24 நிமிடங்களாகக் குறையும் என எதிர்பார்க்கப்படுகிறது. இந்தக் கட்டம் சுமார் 3.1 மில்லியன் மக்களுக்கு பயன்படும்.
ஒவ்வொரு கட்டத்திலும் இரு திசைகளிலும் மொத்தம் 12 வழித்தடங்கள் அமைக்கப்படும். இவை ஒரு மணி நேரத்தில் 24,000 வாகனங்கள் வரை கையாளும் திறன் கொண்டிருக்கும். இந்த Dubai Fourth Corridor திட்டத்தில் 72 பாலங்கள், 17 சுரங்கங்கள் மற்றும் 45 மழைநீர் வடிகால் அமைப்புகள் இடம்பெறும்.
மேலும், துபாய்-அல் ஐன் சாலையில் சில பகுதிகள் மூன்று வழித்தடங்களில் இருந்து நான்கு வழித்தடங்களாக விரிவுபடுத்தப்படும். நான்கு முக்கிய சந்திப்புகளும் மேம்படுத்தப்படும். சரக்கு வாகனங்கள் உள்ளிட்ட நகருக்கு வெளியே செல்லும் போக்குவரத்தை மாற்றுப்பாதைக்கு திருப்பி, தற்போதைய சாலைகளின் அழுத்தத்தைக் குறைப்பதே திட்டத்தின் முக்கிய நோக்கமாகும்.
