கடந்த 15ஆம் தேதி மாலை காரில் வந்த சுந்தர் ராஜன் (26), நிசாலினி (24) ஆகியோர் தங்களை செவிலியர் மற்றும் மருத்துவ உதவியாளர் என அறிமுகப்படுத்தியுள்ளனர். அரசின் அனைவருக்கும் இலவச மருத்துவத் திட்டத்தின் கீழ் பரிசோதனை செய்ய வந்ததாகக் கூறி, வள்ளியம்மாளிடம் போலியான மருத்துவப் பரிசோதனையை மேற்கொண்டுள்ளனர்.
மயக்க ஊசி செலுத்தி நகை பறிப்பு
கால் வலிக்கு ஊசி செலுத்துவதாகக் கூறி மயக்க ஊசியை செலுத்தியுள்ளனர். வள்ளியம்மாள் மயங்கியதும், அவரது கழுத்தில் இருந்த 4 பவுன் தங்கச் சங்கிலியை எடுத்துக்கொண்டு இருவரும் தப்பிச் சென்றதாக கூறப்படுகிறது. மயக்கம் தெளிந்த பின்னர் நடந்ததை அறிந்த வள்ளியம்மாள் காவல்துறையில் புகார் அளித்தார்.
Erode Nurse Disguise Theft வழக்கில், சி.சி.டி.வி. பதிவுகளின் அடிப்படையில் போலீஸார் விசாரணை நடத்தினர். நேற்று காலை 9 மணியளவில் நடுப்பாளையம் அடுத்த அண்ணாமார் கோயில் அருகே மலையம்பாளையம் போலீஸார் வாகனச் சோதனையில் ஈடுபட்டபோது இருவரும் காரில் பிடிபட்டனர். அவர்களிடமிருந்து 3 பவுன் தங்க நகைகள் பறிமுதல் செய்யப்பட்டன. சுந்தர் ராஜன் ஈரோடு மரப்பாலம் பகுதியையும், நிசாலினி தர்மபுரி மாவட்டம் பென்னாகரம் பகுதியையும் சேர்ந்தவர்கள் என போலீஸார் தெரிவித்தனர். இருவரும் கைது செய்யப்பட்டு சிறையில் அடைக்கப்பட்டுள்ளனர்.
