கொத்மலை ஓயா கரையோர மக்களுக்கு எச்சரிக்கை
நீர்த்தேக்கத்தின் நீர்ப்பிடிப்பு பகுதிகளில் தொடர்ந்து கனமழை பெய்து வருவதால் நீர்மட்டம் அதிகரித்துள்ளது. மழை மேலும் நீடித்தால், மீதமுள்ள மதகுகள் தானாகத் திறக்கப்படும் என பொறியாளர்கள் தெரிவித்துள்ளனர்.
இதனால் அணைக்கட்டின் கீழ்ப்பகுதியில் கொத்மலை ஓயாவின் இரு கரைகளிலும் வசிக்கும் மக்கள் அவதானமாக இருக்குமாறு அறிவுறுத்தப்பட்டுள்ளனர். குறிப்பாக ஆற்றின் நீர்மட்டம் மற்றும் நீரோட்டத்தில் ஏற்படும் மாற்றங்களை மக்கள் கவனிக்க வேண்டும் என தெரிவிக்கப்பட்டுள்ளது.
Upper Kotmale Reservoir spill gates திறக்கப்பட்டுள்ள நிலையில், கனமழை தொடரும் பட்சத்தில் நீர்த்தேக்கத்திலிருந்து வெளியேறும் நீரின் அளவு அதிகரிக்கக்கூடும். எனவே, கொத்மலை ஓயா கரையோரப் பகுதிகளில் வசிப்பவர்கள் தேவையான முன்னெச்சரிக்கையுடன் இருக்குமாறு அதிகாரிகள் கேட்டுக்கொண்டுள்ளனர்.
