பிரான்சில் குழந்தை பராமரிப்பு உதவி தொகை (CMG) தொடர்பான முக்கிய மாற்றம் டிசம்பர் 1 முதல் அமலுக்கு வந்துள்ளது. இதன்படி குழந்தை இரு பெற்றோரிடமும் மாறி மாறி வசிக்கும் (shared custody / résidence alternée) குடும்பங்களில் இதுவரை ஒரே பெற்றோருக்கு மட்டுமே வழங்கப்பட்ட உதவி தொகை இனி இரு பெற்றோருக்கும் தனித்தனியாக வழங்கப்படும்.

ஒவ்வொரு பெற்றோரும் தங்களது வருமானம் குழந்தை பராமரிப்பு நேரம், செலவு மற்றும் பயன்படுத்தும் childminder அல்லது வீட்டில் பராமரிப்பு ஊழியர் அடிப்படையில் தனித்தனியாக கணக்கிடப்பட்ட தொகையைப் பெற முடியும்.

ஆனால் இந்த புதிய விதி crèche அல்லது micro-crèche போன்ற நிறுவனம் சார்ந்த பராமரிப்பை பயன்படுத்தும் குடும்பங்களுக்கு பொருந்தாது. இரு பெற்றோரும் தனித்தனியாக வேலை ஒப்பந்தம் செய்து மாதந்தோறும் பராமரிப்பு நேரம் மற்றும் சம்பளத்தை Urssaf/Pajemploi மூலம் அறிவிக்க வேண்டும். பிரிந்திருந்த பெற்றோருக்கு பராமரிப்பு செலவில் சமநிலை ஏற்படுத்தும் நோக்கில் இந்த மாற்றம் கொண்டு வரப்பட்டுள்ளதாக அரசு தெரிவித்துள்ளது.