வார இறுதியில் பிரான்சில் மீண்டும் பனிப்பொழிவு – வடக்கிலிருந்து தெற்கு வரை.

பிப்ரவரி 13 வெள்ளிக்கிழமை மாலை முதல் வடக்கு பகுதிகளில், குறிப்பாக லில்லையைச் சுற்றியுள்ள பகுதிகளில் பனிப்பொழிவு தொடங்கும் என எதிர்பார்க்கப்படுகிறது. அதேபோல் கிராண்ட் எஸ்ட், போர்கோன்-ஃபிரான்ச்-காம்டே, சென்டர்-வால்-டி-லோயர் உள்ளிட்ட பகுதிகளிலும் பனி பெய்யலாம். சனிக்கிழமை காலை ஆவெர்க்னே-ரோன்-ஆல்ப்ஸ் உள்ளிட்ட பல பகுதிகளில் பனிப்பொழிவு பரவலாக இருக்கும் என்றும், பிற்பகலில் நாட்டின் கிழக்குப் பகுதிகளில் அதிகமாக காணப்படும் என்றும் கூறப்படுகிறது.

ஞாயிற்றுக்கிழமை வரை இந்த நிலை நீடிக்கலாம்; குறிப்பாக போர்க்-செயிண்ட்-மாரிஸில் வெப்பநிலை -5°C வரை குறையக்கூடும். இந்த குளிர்காலத்தில் முதல் முறையாக புரோவென்ஸ்-ஆல்ப்ஸ்-கோட் டி’அஸூர் (PACA) பிராந்தியத்தில் கேப், பார்சிலோனெட், பிரையனோன் மற்றும் லு காஸ்டெல்லெட் போன்ற நகரங்களில் பனிப்பொழிவு காணப்படும் என வானிலை ஆய்வாளர்கள் தெரிவித்துள்ளனர்.