இதில் 1,000-க்கும் மேற்பட்ட மாணவர்கள் கண் பரிசோதனை மற்றும் செவிப் பரிசோதனைக்கு உட்படுத்தப்பட்டனர். மாணவர்கள் தங்களுக்கு விருப்பமான கண்ணாடி சட்டகங்களைத் தேர்ந்தெடுக்கவும் வாய்ப்பு வழங்கப்பட்டது. கண்ணாடி தேவைப்படும் மாணவர்களுக்கு அவை ஒரு மாதத்துக்குள் இலவசமாக வழங்கப்படும் என தெரிவிக்கப்பட்டது.
அனைத்து பல்கலைக்கழகங்களுக்கும் விரிவுபடுத்தப்படும் திட்டம்
இந்தத் திட்டத்துக்கு ஸ்ட்ரவுட் ரோட்டரி கழகம் மற்றும் விஷ் அறக்கட்டளை ஆதரவு வழங்குகின்றன. இதன் முதல் கட்டம் ரஜரட்ட பல்கலைக்கழகத்தில் நடைபெற்றதுடன், அங்கு 600 மாணவர்கள் பயன்பெற்றனர்.
ஜனாதிபதியின் வழிகாட்டுதலின் கீழ், free spectacles for university students திட்டம் நாட்டிலுள்ள அனைத்து பல்கலைக்கழகங்களுக்கும் விரிவுபடுத்தப்படும் என ஜனாதிபதியின் மூத்த மேலதிக செயலாளரும் ஜனாதிபதி நிதியத்தின் செயலாளருமான ரோஷன் கமகே தெரிவித்தார்.
மாணவர்களின் கல்வி வெற்றிக்கு நல்ல உடல்நலம், குறிப்பாக ஆரோக்கியமான பார்வை, முக்கியமானது என ருஹுண பல்கலைக்கழக துணைவேந்தர், மூத்த பேராசிரியர் பி.ஏ. ஜயந்த தெரிவித்தார். இந்த முயற்சி மாணவர்களின் கல்விக்கு உதவும் என்றும் அவர் கூறினார்.
