பெண்கள் கல்லூரியில் ஒரே ஆண் படிக்கும் கதை
இந்தப் படத்தில் தெலுங்கு நடிகை ஸ்ரீதேவி, மலையாள நடிகை ஃபெமினா ஜார்ஜ் ஆகியோர் நாயகிகளாக நடித்துள்ளனர். அதிர்ச்சி அருண், மைம் கோபி, இந்துமதி, ஜென்சன், இஸ்மத்தா பானு உள்ளிட்டோர் முக்கிய கதாபாத்திரங்களில் இடம்பெற்றுள்ளனர்.
யுவராஜ் சின்னசாமி எழுதி இயக்கியுள்ள இப்படத்துக்கு பிரியேஷ் குருசாமி ஒளிப்பதிவு செய்துள்ளார். சித்துக்குமார் இசையமைத்துள்ளார். விஷன் சினிமா ஹவுஸ் சார்பில் டாக்டர் அருளானந்து மற்றும் மேத்யூ அருளானந்து தயாரித்துள்ளனர்.
19 வயது முதல் 26 வயது வரையிலான இளைஞனின் வாழ்க்கையில் நடக்கும் சம்பவங்களைப் படம் சொல்கிறது. இது மனதை வருடும் உணர்வுகளும் நகைச்சுவையும் நிறைந்த ‘ஃபீல்குட் ரொமான்டிக் காமெடி’ என தயாரிப்பாளர் அருளானந்து தெரிவித்துள்ளார். தமிழ், தெலுங்கு, மலையாள மொழிகளில் வெளியாகும் இப்படத்தின் டிஜிட்டல் உரிமையை நெட்பிளிக்ஸ் பெற்றுள்ளது.
Haiku Tamil film release தொடர்பான செய்தியாளர் சந்திப்பில், இந்தக் கதை பெண்களைப் பார்க்கும் ஆண்களின் மனநிலையிலும் மாற்றத்தை ஏற்படுத்தும் என தயாரிப்பாளர் நம்பிக்கை தெரிவித்தார். படத்தின் நாயகன் ஏகன், நாயகி ஃபெமினா ஜார்ஜ் ஆகியோரும் நிகழ்வில் கலந்துகொண்டனர்.
