ரியாத் மாநாட்டில் எதிர்பார்க்கப்படும் முக்கிய அறிவிப்பு
வளைகுடா ஒத்துழைப்பு கவுன்சில் பொதுச் செயலாளர் ஜாசெம் முகமது அல்-புதைவி, மீதமுள்ள நடைமுறைத் தடையை நீக்கும் பணிகள் இறுதிக்கட்டத்தை நெருங்கியுள்ளதாகத் தெரிவித்துள்ளார். அக்டோபர் 24ஆம் தேதி ரியாதில் நடைபெறவுள்ள GCC–ஐரோப்பிய ஒன்றிய உச்சி மாநாட்டில் இதற்கான உறுதியான அறிவிப்பு வெளியாகலாம் என கூறப்படுகிறது.
எனினும், இது உடனடியாக விசா விலக்கு அமலுக்கு வரும் என்பதல்ல. அல்-புதைவி குறிப்பிட்டுள்ள “செயல்முறையின் தொடக்கம்” என்பது பேச்சுவார்த்தை அல்லது மதிப்பீட்டு நடைமுறை தொடங்குவதைக் குறிக்கிறது. ஒவ்வொரு நாடும் கடவுச்சீட்டு பாதுகாப்பு, எல்லை நிர்வாகம் மற்றும் தரவு பாதுகாப்பு தொடர்பான தொழில்நுட்ப மதிப்பீட்டை கடக்க வேண்டும். பின்னர் ஐரோப்பிய ஒன்றியத்தின் சட்ட நடைமுறைகளும் நிறைவேற வேண்டும்.
ஐக்கிய அரபு அமீரக குடிமக்கள் 2015 முதல் 180 நாட்களில் அதிகபட்சம் 90 நாட்கள் வரை விசா இல்லாமல் ஷெங்கன் பகுதிக்கு பயணம் செய்து வருகின்றனர். மற்ற ஐந்து நாடுகளின் குடிமக்களுக்கு தற்போது விசா தேவைப்படுகிறது; சிலருக்கு ஐந்து ஆண்டுகள் செல்லுபடியாகும் பலமுறை நுழைவு விசா வழங்கப்படுகிறது.
GCC Schengen visa waiver குறுகியகாலப் பயணங்களுக்கு மட்டுமே பொருந்தும். ஐரோப்பிய ஒன்றியத்தில் வேலை செய்ய தேசிய வேலை அனுமதி தொடர்ந்து தேவைப்படும். மேலும், இந்த விலக்கு பிரித்தானியா மற்றும் அயர்லாந்துக்கு பொருந்தாது.
