GOLDEN WEEKLY MEMBERSHIP

உறுப்பினர் சேவை விதிமுறைகள் மற்றும் கொள்கைகள்

நெறிக்களம் | NERIKKALAM

திருத்தப்பட்ட வரைவு: 13 ஒக்டோபர் 2026

நெறிக்களம் இணையதளத்தின் Golden Weekly Membership திட்டம் பயனர்களுக்குத் தேவையான பல்வேறு தகவல் மற்றும் இணையவழிச் சேவைகளை ஒருங்கிணைத்து வழங்குவதற்காக உருவாக்கப்பட்டுள்ளது.

இந்தத் திட்டத்தின் கீழ் வேலைவாய்ப்புத் தகவல்கள், Premium கட்டுரைகள், இலவச விளம்பர வசதி, சமூக ஊடகப் பிரச்சினைகள் தொடர்பான ஆய்வறிக்கைகள் மற்றும் தகுதியான உறுப்பினர்களுக்கான கூடுதல் பொழுதுபோக்கு வாய்ப்புகள் வழங்கப்படுகின்றன.

உறுப்பினர் சேவையைப் பெறுவதற்கு முன்னர் அதன் விதிமுறைகள் நிபந்தனைகள் கட்டண நடைமுறைகள் மற்றும் தனியுரிமைக் கொள்கைகளை வாசித்துப் புரிந்துகொள்வது அவசியமாகும்.

1. Golden Weekly Membership

Golden Weekly Membership என்பது நெறிக்களத்தின் 7 நாட்கள் செல்லுபடியாகும் Premium உறுப்பினர் திட்டமாகும்.

உறுப்பினர் கட்டணம் – இலங்கை ரூபாய் 1,999 (LKR 1,999).

ஒரு வெற்றிகரமான உறுப்பினர் கட்டணத்தின் மூலம் பின்வரும் ஆறு வசதிகள் வழங்கப்படும்:

7 நாட்கள் Premium Access.
Job Bank Full Access.
Unlocked Premium Articles.
Free Advertisement Service.
Fake ID Complete Report.
தகுதி மற்றும் சட்ட அனுமதிகளுக்கு உட்பட்ட ஒரு Golden Lucky Spin வாய்ப்பு.

இந்தக் கட்டணம் தானாகப் புதுப்பிக்கப்படும் Subscription கட்டணம் அல்ல.

7 நாட்கள் முடிவடைந்ததும் உறுப்பினரிடமிருந்து தானாகப் பணம் அறவிடப்படாது.

நெறிக்களத்தின் சேவைகள் தொடர்ந்து தேவைப்படும் பயனர்கள் தங்களுடைய தனிப்பட்ட விருப்பத்தின் அடிப்படையில் மீண்டும் கட்டணம் செலுத்தி உறுப்பினர் அனுமதியைப் பெற்றுக்கொள்ளலாம்.

உறுப்பினர் சேவையைப் பெறுவதோ மீண்டும் புதுப்பிப்பதோ கட்டாயமல்ல.

2. உறுப்பினர் காலம் மற்றும் அணுகல்

உறுப்பினர் காலம் கட்டணம் வெற்றிகரமாக உறுதிப்படுத்தப்பட்டு உறுப்பினர் அனுமதி செயல்படுத்தப்பட்ட நேரத்திலிருந்து 7 நாட்களுக்குச் செல்லுபடியாகும்.

உறுப்பினர் அனுமதியைப் பெறுபவருக்கு ஆறு இலக்க தனிப்பட்ட PIN வழங்கப்படும்.

பதிவு செய்யப்பட்ட மின்னஞ்சல் முகவரி மற்றும் PIN மூலம் உறுப்பினர் காலத்தில் வேறு உலாவி அல்லது சாதனத்திலும் சேவைகளுக்கான அணுகலை மீட்டெடுக்கலாம்.

உறுப்பினர்கள் தங்களுடைய PIN மற்றும் தனிப்பட்ட அணுகல் விவரங்களைப் பாதுகாப்பாக வைத்திருக்க வேண்டும்.

உறுப்பினர் காலம் முடிவடைந்த பின்னர் Premium சேவைகளுக்கான அணுகல் நிறுத்தப்படும். மீண்டும் கட்டணம் செலுத்தி புதிய அனுமதி பெறலாம்.

3. Job Bank Full Access

நெறிக்களம் இணையதளம் இலங்கை மற்றும் வெளிநாடுகளில் உள்ள வேலைவாய்ப்புகள் தொடர்பான தகவல்களை Job Bank சேவையின் மூலம் வழங்குகிறது.

Golden Weekly Membership உறுப்பினர்கள் தங்களுடைய 7 நாள் உறுப்பினர் காலத்தில் Job Bank Premium தகவல்களை மேலதிக அணுகல் கட்டணமின்றிப் பார்வையிடலாம்.

வேலைவாய்ப்பு அறிவிப்புகளில் இடம்பெறும் சம்பளம் பணியிடம், தகுதிகள், விண்ணப்ப நிபந்தனைகள் மற்றும் பிற தகவல்கள் சம்பந்தப்பட்ட வேலைவாய்ப்பு வழங்குநர்களின் அறிவிப்புகளை அடிப்படையாகக் கொண்டிருக்கலாம்.

வேலைவாய்ப்பைப் பெறுதல் விசா அனுமதி கிடைத்தல் அல்லது வெளிநாட்டுப் பயணம் உறுதிப்படுத்தப்படுதல் போன்றவற்றுக்கு நெறிக்களம் உத்தரவாதம் அளிப்பதில்லை.

விண்ணப்பிப்பதற்கு முன்னர் சம்பந்தப்பட்ட நிறுவனங்கள் மற்றும் ஆட்சேர்ப்பு நடைமுறைகளின் நம்பகத்தன்மையை பயனர்கள் சரிபார்த்துக்கொள்ள வேண்டும்.

4. Unlocked Premium Articles

நெறிக்களம் இணையதளத்தில் பொதுவான செய்திகளுடன் விரிவான தகவல்கள் மற்றும் வழிகாட்டல்களைக் கொண்ட Premium கட்டுரைகளும் வெளியிடப்படுகின்றன.

குறிப்பாக விசா, குடிவரவு, கடவுச்சீட்டு, அகதிகள் பாதுகாப்பு, குடியுரிமை, வெளிநாட்டு வேலைவாய்ப்பு, வசிப்பிட அனுமதி, குடும்ப இணைப்பு மற்றும் வெளிநாடுகளில் வசிப்பவர்களுக்குத் தேவையான ஏனைய தகவல்கள் இடம்பெறுகின்றன.

இந்த Premium கட்டுரைகளில் சிலவற்றை வாசிப்பதற்குத் தனியான கட்டணம் செலுத்த வேண்டியிருக்கலாம்.

ஆனால் Golden Weekly Membership உறுப்பினர்கள், தங்களுடைய 7 நாள் உறுப்பினர் காலத்தில் திட்டத்தின் கீழ் அனுமதிக்கப்பட்ட Premium கட்டுரைகளை மேலதிக வாசிப்புக் கட்டணமின்றி அணுகலாம்.

இந்தக் கட்டுரைகள் தகவல் மற்றும் பொதுவான வழிகாட்டல் நோக்கங்களுக்காக வழங்கப்படுகின்றன.

சட்டங்கள் மற்றும் நிர்வாக நடைமுறைகள் காலத்திற்குக் காலம் மாற்றமடையக்கூடும் என்பதால், முக்கியமான விண்ணப்பங்களை மேற்கொள்ள முன்னர் சம்பந்தப்பட்ட அரச அதிகாரிகளின் அதிகாரப்பூர்வத் தகவல்களைச் சரிபார்ப்பது அவசியமாகும்.

5. Free Advertisement Service

நெறிக்களம் இணையதளம், வணிக நிறுவனங்கள், தொழில் வழங்குநர்கள் மற்றும் தனிநபர்களுக்கான விளம்பர வசதிகளை வழங்குகிறது.

பொதுவாக இந்த விளம்பரச் சேவைகள் கட்டண அடிப்படையில் வழங்கப்படுகின்றன.

Golden Weekly Membership பெற்ற தகுதியான உறுப்பினர்கள், தங்களுடைய உறுப்பினர் காலத்தில் திட்டத்தின் கீழ் அனுமதிக்கப்படும் இலவச விளம்பர வசதியைப் பயன்படுத்தலாம்.

விளம்பரங்கள் நெறிக்களத்தின் உள்ளடக்க விதிமுறைகள், விளம்பர இடங்களின் கிடைப்புத்தன்மை மற்றும் நிர்வாகச் சரிபார்ப்புகளுக்கு உட்பட்டவை.

சட்டவிரோதமான, தவறாக வழிநடத்தும் அல்லது பிறருடைய உரிமைகளை மீறும் விளம்பரங்கள் ஏற்றுக்கொள்ளப்படமாட்டாது.

உறுப்பினர் காலம் முடிவடைந்த பின்னர் விளம்பரத்தைத் தொடர்ந்து காட்சிப்படுத்த விரும்புபவர்கள், அப்போது நடைமுறையிலிருக்கும் விளம்பரக் கட்டணத்தைச் செலுத்தி சேவையை நீட்டிக்கலாம்.

உறுப்பினரின் தனியான ஒப்புதல் இல்லாமல் விளம்பரம் கட்டணச் சேவையாகத் தானாக மாற்றப்படாது.

6. Fake ID Complete Report

சமூக ஊடகங்களில் ஏற்படும் போலிக் கணக்குகள், ஆள்மாறாட்டம், தனிப்பட்ட தகவல்களின் தவறான பயன்பாடு, கணக்குகள் தொடர்பான பிரச்சினைகள் மற்றும் இணையவழித் தொந்தரவுகள் குறித்து நெறிக்களம் ஆய்வு மற்றும் வழிகாட்டல் சேவைகளை வழங்குகிறது.

இந்தச் சேவையின் ஆரம்பகட்டத்தில், பயனர் எதிர்கொள்ளும் பிரச்சினையை அடையாளம் காண்பதற்கான இலவச மதிப்பீடு வழங்கப்படலாம்.

அதனைத் தொடர்ந்து விரிவான ஆய்வறிக்கை, ஆதாரங்களின் மதிப்பீடு மற்றும் தீர்வுக்கான வழிகாட்டல்களுக்கு பொதுவாகத் தனியான கட்டணம் பொருந்தலாம்.

Golden Weekly Membership பெற்ற உறுப்பினர்கள், தங்களுடைய உறுப்பினர் காலத்தில் திட்டத்தின் கீழ் அனுமதிக்கப்பட்ட Fake ID Complete Report சேவையை மேலதிகச் சேவைக் கட்டணமின்றி அணுகலாம்.

சம்பந்தப்பட்ட சமூக ஊடக நிறுவனம் புகாரை ஏற்றுக்கொள்வது, போலிக் கணக்கை அகற்றுவது அல்லது குறிப்பிட்ட காலத்திற்குள் நடவடிக்கை எடுப்பது அந்த நிறுவனத்தின் விதிமுறைகளுக்கும் முடிவுகளுக்கும் உட்பட்டதாகும்.

எனவே இத்தகைய முடிவுகளுக்கு நெறிக்களம் உத்தரவாதம் வழங்குவதில்லை.

7. Golden Lucky Spin

Golden Lucky Spin என்பது Golden Weekly Membership திட்டத்துடன் இணைக்கப்பட்டுள்ள ஒரு கூடுதல் பொழுதுபோக்கு அம்சமாகும்.

தகுதியான உறுப்பினர்களுக்கு, தனியான Spin கட்டணம் இன்றி ஒரு Primary Lucky Spin வாய்ப்பு வழங்கப்படுவதாகத் திட்டமிடப்பட்டுள்ளது.

இதற்குப் பின்வரும் விதிமுறைகள் பொருந்தும்:

ஒரு Membership கட்டணத்திற்கு ஒரு Primary Spin வாய்ப்பு மட்டுமே.
உறுப்பினர் காலமான 7 நாட்களுக்குள் Spin பயன்படுத்தப்பட வேண்டும்.
உறுப்பினர் காலம் முடிவடைந்த பின்னர் பயன்படுத்தப்படாத Spin வாய்ப்பு செல்லுபடியாகாது.
Cash Prize Spin-இல் 18 வயது அல்லது அதற்கு மேற்பட்டவர்கள் மட்டுமே பங்கேற்கலாம்.
Spin முடிவுகள் வெளியிடப்பட்ட பரிசுக் கட்டமைப்பு மற்றும் விதிமுறைகளுக்கு உட்பட்டவை.
Spin பயன்படுத்துவதால் பணப் பரிசு கிடைக்கும் என்பதற்கு உத்தரவாதமில்லை.
உறுப்பினர் வசிக்கும் நாட்டின் சட்டங்கள் மற்றும் பொருந்தக்கூடிய ஒழுங்குமுறை அனுமதிகள் கட்டாயமாகப் பின்பற்றப்படும்.

தேவையான சட்ட அனுமதிகள் இல்லாத நாடுகளில் அல்லது சூழ்நிலைகளில் பணப் பரிசுகளுக்கான Spin சேவை வழங்கப்படாது.

8. பரிசுகள் மற்றும் பரிசுத் தொகை வழங்கல்

Golden Lucky Spin மூலம் கிடைக்கக்கூடிய பரிசுகள், அந்த நேரத்தில் நெறிக்களம் இணையதளத்தில் அதிகாரப்பூர்வமாகக் காட்டப்படும் Prize Structure அடிப்படையில் அமையும்.

Cash Prize கிடைக்கும் உறுப்பினர்கள், அதற்கான Prize Claim நடைமுறையை நிறைவு செய்ய வேண்டும்.

தேவைக்கேற்ப உறுப்பினர் அடையாளம், பதிவு விவரங்கள், பரிசு வெற்றி உறுதிப்படுத்தல் மற்றும் பணத்தைப் பெறுவதற்கான கணக்கு விவரங்கள் சரிபார்க்கப்படலாம்.

சரிபார்ப்பு முடிந்த பின்னர், சட்டப்படி அனுமதிக்கப்பட்ட Bank Transfer, PayPal, Wise அல்லது கிடைக்கக்கூடிய பிற கட்டண முறைகளில் பரிசுத் தொகை வழங்கப்படலாம்.

வங்கி, கட்டணச் சேவை வழங்குநர் அல்லது சட்டரீதியான சரிபார்ப்பு காரணமாகப் பரிசுத் தொகை கிடைக்கும் நேரம் மாறுபடலாம்.

தகுதியான வெற்றியாளர்களுக்குரிய உறுதிப்படுத்தப்பட்ட பரிசுகளை வெளியிடப்பட்ட விதிமுறைகளுக்கும் பொருந்தக்கூடிய சட்டங்களுக்கும் ஏற்ப வழங்குவது நெறிக்களத்தின் பொறுப்பாகும்.

9. Replay Spin

சில தகுதியான Cash Prize முடிவுகளுக்கு Replay Spin வாய்ப்பு வழங்கப்படலாம்.

Replay Spin என்பது கட்டாயமானதல்ல.

Replay வாய்ப்பை உறுதிப்படுத்துவதற்கு முன்னர், ஏற்கனவே கிடைத்த பரிசு மற்றும் Replay நிபந்தனைகளை உறுப்பினர் கவனமாக வாசிக்க வேண்டும்.

Replay விதிமுறைகளின்படி, Replay தேர்வு செய்யப்பட்ட பின்னர் அதற்குப் பதிலாக முன்பு கிடைத்த Cash Prize உரிமை ரத்து செய்யப்படலாம்.

Replay Spin முடிவு தனித்துவமானதாக அமையும்.

Replay தேர்வு செய்வதால் மீண்டும் பணப் பரிசு கிடைக்கும் என்பதற்கு எந்த உத்தரவாதமும் வழங்கப்படாது.

10. Refund மற்றும் Cancellation

Golden Weekly Membership கட்டணம் செலுத்தப்பட்ட பின்னர், உறுப்பினர் கட்டண ரத்து மற்றும் பணத்தை மீளப்பெறுவதற்கான கோரிக்கையைச் சமர்ப்பிக்கலாம்.

நெறிக்களத்தின் வழக்கமான விருப்ப ரத்து நடைமுறையின் கீழ்:

கட்டணம் செலுத்தப்பட்ட நேரத்திலிருந்து ஒரு மணிநேரத்திற்குள் Refund கோரிக்கை சமர்ப்பிக்கப்பட வேண்டும்.
Primary Golden Lucky Spin பயன்படுத்தப்படாமல் இருக்க வேண்டும்.
கட்டணப் பரிவர்த்தனை மற்றும் உறுப்பினர் விவரங்கள் உறுதிப்படுத்தப்பட வேண்டும்.

இந்த நிபந்தனைகள் பூர்த்தியானால் Refund கோரிக்கை பரிசீலிக்கப்படும்.

Primary Spin பயன்படுத்தப்பட்டிருந்தால் வழக்கமான விருப்ப ரத்து வசதி பொருந்தாது.

இருப்பினும், சேவை வழங்கப்படாமை, தவறான கட்டண அறவீடு, தொழில்நுட்பக் கோளாறு மற்றும் நுகர்வோர் பாதுகாப்புச் சட்டங்களின் கீழ் உருவாகும் கட்டாய உரிமைகள் தனியாகப் பரிசீலிக்கப்படும்.

இந்த Refund கொள்கையால் பயனர்களின் கட்டாய சட்ட உரிமைகள் நீக்கப்படமாட்டாது.

11. வயது மற்றும் தகுதி

உறுப்பினர் சேவைகளின் பயன்பாடு சம்பந்தப்பட்ட சேவைக்குப் பொருந்தும் வயது மற்றும் சட்ட நிபந்தனைகளுக்கு உட்பட்டதாகும்.

Cash Prize Golden Lucky Spin-இல் பங்கேற்க குறைந்தபட்ச வயது 18 ஆகும்.

உறுப்பினர் வசிக்கும் நாடு, அந்நாட்டின் சட்டங்கள் மற்றும் கட்டணச் சேவை வழங்குநர்களின் கட்டுப்பாடுகள் காரணமாக சில சேவைகள் அல்லது பரிசுகள் கிடைக்காமல் இருக்கலாம்.

தகுதியற்ற பயனர்களுக்கு கட்டுப்படுத்தப்பட்ட சேவைகளைப் பயன்படுத்த அனுமதி வழங்கப்படாது.

12. தவறான பயன்பாடு மற்றும் பாதுகாப்பு

நெறிக்களத்தின் உறுப்பினர், கட்டணம் மற்றும் பரிசு வழங்கல் அமைப்புகளைப் பாதுகாப்பாகவும் நியாயமாகவும் பயன்படுத்த வேண்டும்.

போலியான அடையாளங்கள், தவறான கட்டண ஆதாரங்கள், தானியங்கி Bot பயன்பாடு, முறையற்ற பல பரிசுக் கோரிக்கைகள் மற்றும் கணினி அமைப்பை மாற்றியமைக்கும் முயற்சிகள் அனுமதிக்கப்படாது.

சந்தேகத்திற்குரிய நடவடிக்கைகள் கண்டறியப்பட்டால், உரிய சரிபார்ப்புகள் மேற்கொள்ளப்படலாம்.

மோசடி அல்லது தவறான பயன்பாடு உறுதிப்படுத்தப்பட்டால், பொருந்தக்கூடிய விதிமுறைகள் மற்றும் சட்டங்களுக்கு ஏற்ப உறுப்பினர் அனுமதி, Spin வாய்ப்பு அல்லது பரிசுக் கோரிக்கை தொடர்பாக நடவடிக்கை எடுக்கப்படலாம்.

13. கட்டண நடைமுறைகள்

நெறிக்களம் அதிகாரப்பூர்வமாக அறிவித்துள்ள கட்டண வழிமுறைகள் மூலம் மட்டுமே உறுப்பினர் கட்டணங்கள் செலுத்தப்பட வேண்டும்.

சேவையில் செயல்படுத்தப்பட்டுள்ள Stripe, PayPal, வங்கிப் பரிமாற்றம் அல்லது அங்கீகரிக்கப்பட்ட பிற கட்டண முறைகளைப் பயன்படுத்தலாம்.

Manual Bank Payment மூலம் கட்டணம் செலுத்துவோர், நிர்வாகம் வழங்கிய அதிகாரப்பூர்வக் கணக்கு விவரங்களைச் சரிபார்க்க வேண்டும்.

கட்டணம் செலுத்தியமைக்கான ஆதாரங்களைப் பாதுகாப்பாக வைத்திருக்க வேண்டும்.

கட்டணம் நெறிக்களத்தின் அங்கீகரிக்கப்பட்ட கணக்கில் வந்தடைந்தமை உறுதிப்படுத்தப்பட்ட பின்னரே உறுப்பினர் அனுமதி செயல்படுத்தப்படும்.

வாடிக்கையாளரின் தனியான ஒப்புதல் இன்றி கூடுதல் கட்டணங்கள் அறவிடப்படமாட்டாது. கட்டணச் சேவை வழங்குநர் வசூலிக்கும் பொருந்தக்கூடிய கட்டணங்கள், பரிவர்த்தனையை உறுதிப்படுத்துவதற்கு முன்னர் தெரிவிக்கப்பட வேண்டும்.

14. தனியுரிமை மற்றும் தகவல் பாதுகாப்பு

உறுப்பினர் பதிவு, கட்டண உறுதிப்படுத்தல், Premium சேவை அணுகல், புகார்கள் மற்றும் பரிசுக் கோரிக்கை நடைமுறைகளுக்குத் தேவையான தகவல்கள் சேகரிக்கப்படலாம்.

இந்தத் தகவல்கள் பொருந்தக்கூடிய தனியுரிமைச் சட்டங்கள் மற்றும் நெறிக்களத்தின் தனியுரிமைக் கொள்கையின் அடிப்படையில் கையாளப்படும்.

உறுப்பினர்களின் PIN, கட்டணத் தகவல்கள், வங்கிக் கணக்கு விவரங்கள் மற்றும் புகார் ஆதாரங்களைப் பாதுகாக்க உரிய நடவடிக்கைகள் மேற்கொள்ளப்படும்.

தகவல்கள் சட்டபூர்வமான நோக்கங்களுக்காக மட்டுமே பயன்படுத்தப்பட வேண்டும்.

அதிகாரப்பூர்வ தனியுரிமைக் கொள்கை:

Privacy Policy

15. விதிமுறைகள் மற்றும் கொள்கைகளில் மாற்றங்கள்

நெறிக்களம் தனது சேவைகளை மேம்படுத்துவதற்கும், பாதுகாப்பு நடவடிக்கைகளைப் புதுப்பிப்பதற்கும், சட்ட மாற்றங்களுக்கு இணங்குவதற்கும் தேவையான சந்தர்ப்பங்களில் விதிமுறைகளை மாற்றியமைக்கலாம்.

முக்கியமான மாற்றங்கள் இணையதளத்தில் வெளியிடப்படும்.

சட்டப்படி வேறுவிதமாகத் தேவைப்படாதவரை, ஏற்கனவே உறுதிப்படுத்தப்பட்ட கட்டணப் பரிவர்த்தனைகள் மற்றும் உறுப்பினர்களின் உரிமைகளைப் பின்னோக்கிப் பாதிக்கும் வகையில் புதிய கொள்கைகள் பயன்படுத்தப்படாது.

நெறிக்களத்தின் செயல்பாடுகளுக்கு பொருந்தக்கூடிய இலங்கைச் சட்டங்கள் பின்பற்றப்படும்.

வேறு நாடுகளில் வசிக்கும் உறுப்பினர்களுக்கு அந்தந்த நாடுகளின் கட்டாய நுகர்வோர் பாதுகாப்புச் சட்டங்களும் பிற பொருந்தக்கூடிய விதிமுறைகளும் அமையலாம்.

16. பொறுப்புத் துறப்பு மற்றும் பொறுப்புக்கூறல்

Golden Weekly Membership கட்டணம், இணையதளத்தில் குறிப்பிடப்பட்டுள்ள உறுப்பினர் சேவைகளைப் பெறுவதற்காகச் செலுத்தப்படுகிறது.

இது முதலீடு வைப்புத்தொகை அல்லது உறுதியான நிதி வருமானம் வழங்கும் திட்டம் அல்ல.

உறுப்பினர்கள் நெறிக்களத்தின் அதிகாரப்பூர்வக் கட்டண முறைகளை மட்டுமே பயன்படுத்த வேண்டும்.

அங்கீகரிக்கப்படாத நபர்கள் அல்லது போலியான கட்டண வழிமுறைகள் காரணமாக ஏற்படும் பிரச்சினைகள் கிடைக்கக்கூடிய ஆதாரங்கள் மற்றும் பொருந்தக்கூடிய சட்டங்களின் அடிப்படையில் விசாரிக்கப்படும்.

பணப் பரிவர்த்தனை தொடர்பான முரண்பாடுகள் ஏற்பட்டால் சம்பந்தப்பட்ட இரு தரப்பினரின் ஆதாரங்களும் பரிசீலிக்கப்படும்.

நெறிக்களத்தின் சொந்தத் தவறு மோசடி அல்லது சட்டப்பூர்வப் பொறுப்பு நிரூபிக்கப்பட்டால், அதற்குரிய பொறுப்புகளை நெறிக்களம் ஏற்கும்.

தேவைக்கேற்ப கட்டண மீளளிப்பு சேவைத் திருத்தம் அல்லது பொருந்தக்கூடிய பிற நிவாரண நடவடிக்கைகள் மேற்கொள்ளப்படும்.

உறுப்பினர்கள் தங்களுடைய PIN, வங்கிக் கணக்கு விவரங்கள் மற்றும் தனிப்பட்ட தகவல்களைப் பாதுகாப்பாக வைத்திருக்க வேண்டும்.

இந்தப் பொறுப்புத் துறப்பு அறிவிப்பு சட்டப்படி நெறிக்களத்திற்கு ஏற்படும் கட்டாயப் பொறுப்புகளையோ பயனர்களின் சட்ட உரிமைகளையோ நீக்காது.

17. தொடர்பு, புகார்கள் மற்றும் தீர்வு வழங்கல்

நெறிக்களம் இணையதளத்தின் சேவைகள் தொடர்பாக அனைத்து பயனர்களும் தங்களுடைய புகார்கள், கேள்விகள் மற்றும் கோரிக்கைகளைச் சமர்ப்பிக்கலாம்.

இந்த வசதி Golden Weekly Membership உறுப்பினர்களுக்கும் உறுப்பினராக இல்லாத பொதுப் பயனர்களுக்கும் பொருந்தும்.

அதிகாரப்பூர்வ மின்னஞ்சல்:

santhurunirosh@gmail.com

Contact Us படிவம்

Contact Nerikkalam

17.1 முதற்கட்டப் பதில் – 48 மணிநேரம்

நெறிக்களத்தின் அதிகாரப்பூர்வத் தொடர்புப் படிவம் மூலம் பெறப்படும் புகார்கள் மற்றும் கோரிக்கைகளுக்கு, அவை பெறப்பட்ட நேரத்திலிருந்து அதிகபட்சமாக 48 மணிநேரத்திற்குள் முதற்கட்டப் பதில் வழங்கப்படும்.

Golden Weekly Membership உறுப்பினர்களின் அவசரச் சேவைக் கோரிக்கைகளுக்கு முன்னுரிமை வழங்கப்படும்.

இருப்பினும், உறுப்பினராக இல்லாத பயனர்களின் புகார்களும் உரிய முறையில் பரிசீலிக்கப்படும்.

17.2 பிரச்சினைக்கான தீர்வு – 7 நாட்கள்

புகார் பெறப்பட்ட நாளிலிருந்து அதிகபட்சமாக 7 நாட்களுக்குள் பிரச்சினைக்குத் தீர்வு வழங்க நெறிக்களம் பொறுப்பேற்கிறது.

மேலதிக ஆவணங்கள், சட்டரீதியான சரிபார்ப்புகள் அல்லது மூன்றாம் தரப்பு நடவடிக்கைகள் தேவைப்படுவதால் தீர்வு தாமதமானால், அதற்கான காரணமும் அடுத்தகட்ட நடவடிக்கைகளும் பயனருக்குத் தெரிவிக்கப்படும்.

17.3 பதில் வழங்கத் தவறினால்

நிர்ணயிக்கப்பட்ட 48 மணிநேரத்திற்குள் முதற்கட்டப் பதில் வழங்கப்படாதபோது அல்லது நியாயமான காரணமின்றி 7 நாட்களுக்குள் உரிய தீர்வு வழங்கப்படாதபோது, அதற்கான நிர்வாகப் பொறுப்பை நெறிக்களம் ஏற்கும்.

அத்தகைய தாமதத்தால் பயனருக்கு நேரடியான பாதிப்பு அல்லது நிரூபிக்கக்கூடிய இழப்பு ஏற்பட்டால், கிடைக்கக்கூடிய ஆதாரங்கள் மற்றும் பொருந்தக்கூடிய சட்டங்களின் அடிப்படையில் உரிய நிவாரண நடவடிக்கைகள் பரிசீலிக்கப்பட்டு மேற்கொள்ளப்படும்.

17.4 புகாரளிக்கும் உரிமை

உறுப்பினராக இல்லாத காரணத்தால் எந்தவொரு பயனரின் நியாயமான புகாரும் நிராகரிக்கப்படாது.

புகார் சமர்ப்பிப்பதற்குத் தனியான உறுப்பினர் கட்டணம் செலுத்த வேண்டியதில்லை.

புகார்களை அளிக்கும்போது தேவைக்கேற்ப பதிவு மின்னஞ்சல், GWM Reference Number மற்றும் கட்டண ஆதாரங்களை வழங்கலாம்.

தனிப்பட்ட PIN, வங்கிக் கடவுச்சொற்கள் மற்றும் முழுமையான கட்டண அட்டை விவரங்களைப் புகாருடன் பகிரக்கூடாது.

18. உறுப்பினரின் ஒப்புதல்

Golden Weekly Membership சேவைக்குக் கட்டணம் செலுத்துவதற்கு முன்னர், உறுப்பினர் திட்டத்தின் சேவைகள், காலவரம்பு, கட்டண நடைமுறைகள், Refund கொள்கை, தனியுரிமை விதிகள் மற்றும் ஏனைய நிபந்தனைகளை வாசித்துப் புரிந்துகொள்ள வேண்டும்.

உறுப்பினர் பதிவு மற்றும் கட்டண உறுதிப்படுத்தல் செயல்முறையில் விதிமுறைகளுக்கான ஒப்புதல் பெறப்படும்.

உறுப்பினர் சேவையைப் பெறுவது முழுமையாகப் பயனரின் தனிப்பட்ட விருப்பமாகும்.

நெறிக்களத்தின் சேவைகளைப் பயன்படுத்துவதற்கு நன்றி.