ஸாஜூ (64), அவரது மனைவி அனு (59), மகன் சவின் (33) ஆகியோர் நீண்ட நேரமாக வீட்டை விட்டு வெளியே வராததால் அக்கம்பக்கத்தினர் சந்தேகமடைந்தனர். உறவினர்கள் வீட்டுக்குள் சென்று பார்த்தபோது மூவரும் உயிரிழந்த நிலையில் கண்டெடுக்கப்பட்டனர். தகவலறிந்து வந்த காவல்துறையினர் உடல்களை மீட்டு பிரேதப் பரிசோதனைக்கு அனுப்பினர்.
கடன் தொடர்பான கடிதம் சிக்கியது
ஸாஜூ மற்றும் அனு இணைந்து எழுதியதாகக் கூறப்படும் கடிதம் ஒன்றை போலீஸார் கைப்பற்றினர். பலரிடம் பெற்ற சுமார் ரூ.3 லட்சம் கடனைத் திருப்பிச் செலுத்த வேண்டியுள்ளதாகவும், அந்தக் கடனை அடைத்துவிடுமாறும் அதில் குறிப்பிடப்பட்டிருந்ததாக போலீஸார் தெரிவித்தனர்.
ஸாஜூ நீண்ட காலமாக கோன்னியில் மளிகைப் பொருட்கள் மொத்த வியாபாரம் செய்து வந்தார். அண்மையில் வியாபாரத்தை நிறுத்தியதால் கடன் சுமை அதிகரித்ததாகக் கூறப்படுகிறது. அனு வீட்டின் மாடியில் தங்கும் விடுதி நடத்தி வந்தார். ஆன்லைன் பணப் பரிவர்த்தனைகளால் சவினுக்கும் நிதி இழப்பு மற்றும் கடன் நெருக்கடி இருந்ததாகத் தெரிவிக்கப்பட்டுள்ளது.
முதற்கட்ட விசாரணையில், பெற்றோர் முதலில் உயிரை மாய்த்திருக்கலாம் என்றும், அதைத் தொடர்ந்து மகனும் அதே முடிவை எடுத்திருக்கலாம் என்றும் போலீஸார் சந்தேகிக்கின்றனர். Kottayam family suicide தொடர்பாக வங்கிக் கணக்கு விவரங்கள் மற்றும் செல்போன்களை கைப்பற்றி விசாரணை நடைபெற்று வருவதாக டி.எஸ்.பி. எஸ். அஷாத் தெரிவித்தார்.
