குடியாத்தம்–வேலூர் சாலையில் சோதனை
ஆந்திர மாநிலத்தில் இருந்து குடியாத்தம் வழியாக சட்டத்துக்குப் புறம்பாக யானைத் தந்தங்கள் கொண்டு வரப்படுவதாக குடியாத்தம் வனச்சரக அலுவலகத்துக்கு ரகசியத் தகவல் கிடைத்தது. இதையடுத்து வனத்துறையினர் தீவிர ரோந்து பணியில் ஈடுபட்டனர்.
குடியாத்தம்–வேலூர் சாலையில் பைக்கில் சந்தேகத்திற்கிடமாகச் சென்ற 3 பேரை வனத்துறையினர் தடுத்து நிறுத்தி சோதனை செய்தனர். அப்போது அவர்களிடம் 2 யானைத் தந்தங்கள் இருந்தது தெரியவந்தது. இதையடுத்து 3 பேரும் கைது செய்யப்பட்டனர்.
விசாரணையில், கைது செய்யப்பட்டவர்கள் லத்தேரி அருகேயுள்ள பனமடங்கி பகுதியைச் சேர்ந்த திருவேங்கடம், ஒடுகத்தூர் அருகேயுள்ள பாக்கப்பாளையம் கிராமத்தைச் சேர்ந்த முனிசாமி மற்றும் கோவிந்தராஜ் எனத் தெரியவந்தது. ஆந்திராவில் இருந்து பணம் கொடுத்து தந்தங்களை வாங்கி வந்ததாகவும், அவை இறந்த யானையின் தந்தங்கள் எனவும் அவர்கள் முன்னுக்குப் பின் முரணாகத் தெரிவித்ததாக வனத்துறையினர் கூறினர். Gudiyatham elephant tusk smuggling தொடர்பாக தொடர்ந்து விசாரணை நடைபெற்று வருகிறது.
