2024 ஒக்டோபரில் இஸ்ரேலிய இராணுவ நடவடிக்கையில் உயிரிழந்த ஹமாஸ் முன்னாள் தலைவர் யஹ்யா சின்வாருக்குப் பதிலாக கலீல் அல்-ஹய்யாவை ஹமாஸ் அமைப்பு தனது புதிய தலைவராக அறிவித்துள்ளது. இதுகுறித்த அறிவிப்பை அந்த அமைப்பு திங்கட்கிழமை வெளியிட்டுள்ளது. ஹமாஸின் முன்னாள் துணைத் தலைவரும் தலைமை மன்றத்தின் ஐந்து உறுப்பினர்களில் ஒருவருமான அல்-ஹய்யா முன்னாள் அரசியல் தலைவர் காலித் மெஷாலை எதிர்த்து நடைபெற்ற உட்கட்சி வாக்கெடுப்பின் இறுதிச்சுற்றில் வெற்றி பெற்று தலைமைப் பொறுப்பை ஏற்றுள்ளார்.

2024 ஆம் ஆண்டில் யஹ்யா சின்வார் இராணுவத் தளபதி முகமது தெய்ஃப் மற்றும் தெஹ்ரானில் படுகொலை செய்யப்பட்ட இஸ்மாயில் ஹனியே உள்ளிட்ட முக்கிய தலைவர்களின் உயிரிழப்புகளுக்குப் பின்னர் ஹமாஸின் போர் கால தலைமையை முன்னெடுக்க அமைக்கப்பட்ட ஐந்து உறுப்பினர்களைக் கொண்ட தலைமை மன்றத்தில் அல்-ஹய்யா முக்கிய பங்காற்றி வந்தார்.

📢 உங்கள் வணிக விளம்பரங்களுக்கு இன்றே அழையுங்கள்!

WhatsApp / Call: +94 76 572 9042

1960 ஆம் ஆண்டு காசா பகுதியில் பிறந்த அவர், 1987 ஆம் ஆண்டு ஹமாஸ் இயக்கம் உருவான காலம் முதலே அதன் முக்கிய உறுப்பினராக இருந்து பல்வேறு அரசியல் மற்றும் அமைப்புச் செயல்பாடுகளில் ஈடுபட்டு வந்துள்ளார். இந்த புதிய நியமனம் காசா போரின் பின்னணியில் ஹமாஸின் எதிர்கால அரசியல் மற்றும் இராணுவ நடவடிக்கைகளில் குறிப்பிடத்தக்க தாக்கத்தை ஏற்படுத்தக்கூடும் என சர்வதேச அரசியல் ஆய்வாளர்கள் கருதுகின்றனர்.