மலேசியர்களில் 67 சதவீதம் பேர் நிலையான வேலை அவசியம் எனக் கூறினர். உலகளவில் இந்த அளவு 65 சதவீதமாக உள்ளது. மேலும், 60 சதவீத மலேசியர்கள் வீட்டு உரிமையை முக்கிய வாழ்க்கை இலக்காகக் குறிப்பிட்டனர். உலக சராசரி 58 சதவீதமாகும்.
திருமணம், பெற்றோரானதில் தலைமுறை வேறுபாடு
குடும்ப வாழ்க்கைக்கும் மலேசியர்கள் அதிக முக்கியத்துவம் அளிக்கின்றனர். 47 சதவீதம் பேர் பெற்றோராவதை வெற்றியின் அடையாளமாகக் கருதினர். திருமணத்தை 42 சதவீதம் பேர் முக்கிய மைல்கல்லாகக் குறிப்பிட்டனர். உலகளவில் இந்த விகிதங்கள் முறையே 31 மற்றும் 25 சதவீதமாக உள்ளன.
எனினும், இளம் தலைமுறையினரிடையே பாரம்பரிய குடும்ப இலக்குகளுக்கான முக்கியத்துவம் குறைந்துள்ளது. நிலையான முழுநேர வேலை வெற்றியின் முக்கிய அடையாளம் என 69 சதவீத மில்லினியல்களும், 68 சதவீத Gen Z தலைமுறையினரும் தெரிவித்தனர். வீட்டு உரிமையை மில்லினியல்களில் 64 சதவீதமும், Gen Z-யில் 55 சதவீதமும் குறிப்பிட்டனர்.
திருமணத்தை வெற்றியின் அடையாளமாகக் கருதும் Gen Z பங்கேற்பாளர்கள் 32 சதவீதம் மட்டுமே. மில்லினியல்களில் இது 58 சதவீதமாக உள்ளது. பெற்றோராவதை Gen Z-யில் 35 சதவீதமும், மில்லினியல்களில் 50 சதவீதமும் மதிப்பிட்டனர்.
மலேசியாவில் 79 சதவீதம் பேர் சொந்த வீடு பெற விரும்பினாலும், 46 சதவீதம் பேர் மட்டுமே அந்த இலக்கை அடைந்துள்ளனர். Ipsos Malaysia நிர்வாக இயக்குநர் அருண் மேனன், கல்வி, தொழில் முன்னேற்றம் மற்றும் நிதி பாதுகாப்புக்கு இளைஞர்கள் முன்னுரிமை அளிப்பதால் திருமணம், பெற்றோராதல் தாமதமாகிறது என்றார். Malaysians life aspirations ஆய்வு, வெற்றியின் வரிசை மாறினாலும் அதன் அடிப்படை இலக்குகள் தொடர்வதை காட்டுகிறது.
