விமான எரிபொருள் விநியோகத்தை வலுப்படுத்தும் திட்டம்
இந்தத் திட்டத்தின் கீழ், 21 கிலோமீட்டர் நீளமும் 10 அங்குல விட்டமும் கொண்ட நிலத்தடி குழாய் அமைக்கப்பட உள்ளது. முத்துராஜவெலையில் உள்ள தொட்டி வளாகத்திலிருந்து விமான நிலையத்துக்கு நேரடியாக எரிபொருளை கொண்டு செல்லும் வகையில் இது அமைக்கப்படும்.
மேலும், மொத்தம் 92,000 கனமீட்டர் கொள்ளளவு கொண்ட ஐந்து ஜெட் ஏ-1 சேமிப்பு தொட்டிகள் கட்டப்பட உள்ளன. இதில் தலா 30,000 கனமீட்டர் கொள்ளளவு கொண்ட இரண்டு தொட்டிகள், தலா 15,000 கனமீட்டர் கொள்ளளவு கொண்ட இரண்டு தொட்டிகள் மற்றும் 2,000 கனமீட்டர் கொள்ளளவு கொண்ட ஒரு தொட்டி அடங்கும். Muthurajawela Jet A-1 pipeline திட்டம் 30 மாதங்களில் நிறைவடையும் என தெரிவிக்கப்பட்டுள்ளது.
தனித் திட்டமாக, முத்துராஜவெலா முனையத்தில் மேலும் மூன்று பெட்ரோலிய சேமிப்பு தொட்டிகள் அமைக்கப்படுகின்றன. இதில் தலா 15,000 கனமீட்டர் கொள்ளளவு கொண்ட இரண்டு தொட்டிகளும், 10,000 கனமீட்டர் கொள்ளளவு கொண்ட ஒரு தொட்டியும் அடங்கும். இதன் மூலம் கூடுதலாக 40,000 கனமீட்டர் சேமிப்பு திறன் கிடைக்கும். இந்தப் பணிகள் 18 மாத ஒப்பந்த காலத்துடன், 2028 ஏப்ரலில் நிறைவடைய உள்ளன.
இரு திட்டங்களும் இணைந்து எட்டு புதிய எரிபொருள் சேமிப்பு தொட்டிகளையும், மொத்தம் 132,000 கனமீட்டர் சேமிப்பு திறனையும் உருவாக்கும். பாதுகாப்பு, நம்பகத்தன்மை மற்றும் செயல்திறனை கருத்தில் கொண்டு சர்வதேச தரநிலைகள் மற்றும் தொழில் நடைமுறைகளுக்கு ஏற்ப இவை அமைக்கப்பட உள்ளன.
