போலந்தில் குடியிருப்பு அனுமதி ஆன்லைன் முறை கட்டாயம்

போலந்தில் தற்காலிக நிரந்தர மற்றும் நீண்டகால ஐரோப்பிய ஒன்றிய குடியிருப்பு அனுமதி விண்ணப்பங்களை சமர்ப்பிப்பதற்காக புதிய MOS 2.0 ஆன்லைன் போர்டல் தற்போது கட்டாயமாக்கப்பட்டுள்ளது.

📢 உங்கள் வணிக விளம்பரங்களுக்கு இன்றே அழையுங்கள்!

WhatsApp / Call: +94 76 572 9042

2026 ஏப்ரல் 27 முதல் அனைத்து விண்ணப்பங்களும் முழுமையாக இணையத்தின் மூலம் மட்டுமே சமர்ப்பிக்கப்பட வேண்டும் என போலந்து அதிகாரிகள் அறிவித்துள்ளனர். காகித விண்ணப்பங்கள் அல்லது நேரடியாக அலுவலகங்களில் சமர்ப்பிக்கப்படும் கோப்புகள் பெரும்பாலும் ஏற்கப்படமாட்டாது.

விண்ணப்பதாரர்கள் தனிப்பட்ட கணக்கை உருவாக்கி தேவையான ஆவணங்களை டிஜிட்டல் வடிவில் பதிவேற்ற வேண்டும். மேலும் விண்ணப்பத்தை நிறைவு செய்ய மின்னணு கையொப்பம் (Electronic Signature) அவசியமாக்கப்பட்டுள்ளது.

வேலை அடிப்படையிலான குடியிருப்பு விண்ணப்பங்களில் பணியளாரின் இணைப்பு ஆவணங்களும் மின்னணு கையொப்பத்துடன் சமர்ப்பிக்கப்பட வேண்டும்.

இந்த புதிய முறை நிர்வாக செயல்முறைகளை வேகப்படுத்தும் நோக்கத்துடன் அறிமுகப்படுத்தப்பட்டாலும் தொழில்நுட்ப சிக்கல்கள் மற்றும் புதிய நடைமுறைகள் காரணமாக விண்ணப்பதாரர்கள் முன்கூட்டியே தயாராக இருக்க வேண்டும் என நிபுணர்கள் எச்சரித்துள்ளனர்.