பாரிஸ் நகரின் கான்கோர்ட் சதுக்கம் மற்றும் ஷாங்-எலிசே பகுதியில் பிற்பகல் 3 மணிக்கு திருப்பலி நடைபெற உள்ளது. இந்த நிகழ்வில் 5 லட்சம் பேர் வரை பங்கேற்பார்கள் என எதிர்பார்க்கப்படுகிறது. பக்தர்கள் கூட்டத்தை ஒழுங்குபடுத்தும் வகையில், நிகழ்விட நுழைவுகள் காலை 9 மணிக்கே திறக்கப்படும்.
பாரிஸ் பயணத்துக்கான விரிவான ஏற்பாடுகள்
பாரிஸ் மறைமாவட்டத்தின் ஒருங்கிணைப்பாளர் ஜெனரல் ஹெர்வே வட்டகாம்ப்ஸ், ஒன்றரை நாட்களில் சுமார் 10 லட்சம் பேரை வரவேற்க வேண்டியிருக்கும் என்று கூறியுள்ளார். செப்டம்பர் 25ஆம் தேதி தொடங்கும் பயணத்தில், லியோன் XIV எலிசே மாளிகை, யுனெஸ்கோ மற்றும் நோத்திர்-டாம் தேவாலயத்துக்குச் செல்ல உள்ளார்.
மொன்பர்னாஸ் மற்றும் செயின்ட்-மிசேல் வழியாக போப்பின் பாப்மொபைல் பயணமும், பொதுமக்கள் சந்திப்பும் நடைபெறும். அவரது வருகையையொட்டி பாரிஸ் முழுவதும் தேவாலய மணிகள் ஒலிக்க உள்ளன. வெள்ளிக்கிழமை இரவு ஸ்டேட் டி பிரான்ஸ் அரங்கில் 80,000 இளைஞர்களுடன் பிரார்த்தனை விழாவும் நடைபெறும்.
Pope Leo XIV France visit பயணத்தின் அடுத்த கட்டமாக லூர்தில் 50,000 பேர் பங்கேற்கும் பிரார்த்தனை, 150,000 பேர் கலந்துகொள்ளும் திருப்பலி மற்றும் 25,000 பேர் பங்கேற்கும் மெழுகுவர்த்தி ஊர்வலம் திட்டமிடப்பட்டுள்ளது. செப்டம்பர் 28ஆம் தேதி மெட்ஸில் நடைபெறும் இறுதி திருப்பலியில் 12,000 பேர் பங்கேற்க உள்ளனர்.
