ரசிகர்களின் அன்புக்கு ரிஷிகாந்த் நன்றி
பல ஆண்டுகள் காத்திருப்பு, போராட்டங்கள், ஏமாற்றங்கள் மற்றும் வாழ்க்கை கற்றுக்கொடுத்த பாடங்களுக்குப் பிறகு, தற்போது கிடைத்து வரும் அன்பு தன்னை ஆழமாக நெகிழச் செய்வதாக அவர் தெரிவித்துள்ளார். ரசிகர்களிடமிருந்து தொடர்ந்து செய்திகள், கருத்துகள், வாழ்த்துகள், எடிட்கள், அழைப்புகள் மற்றும் அன்பான வார்த்தைகள் வந்து கொண்டிருப்பதாகவும் கூறியுள்ளார்.
தொடர்ச்சியாக இரண்டு படங்களின் வெளியீடுகள் மற்றும் விளம்பரப் பணிகள் காரணமாக, அனைவருக்கும் தனிப்பட்ட முறையில் பதிலளிக்க முடியவில்லை என்றும் அவர் குறிப்பிட்டுள்ளார். இருப்பினும், ரசிகர்களின் அன்பை ஒவ்வொரு தருணமும் உணர்ந்து வருவதாகத் தெரிவித்துள்ளார்.
ரசிகர்கள் வைத்துள்ள அன்பும் நம்பிக்கையும் தன்னை மேலும் பொறுப்புடன் செயல்படத் தூண்டுவதாக ரிஷிகாந்த் கூறியுள்ளார். இனி நடிக்கும் ஒவ்வொரு படத்திலும் அதிகமாக உழைத்து, கற்றுக்கொண்டு, அந்த நம்பிக்கைக்கு தகுதியானவராக மாற தொடர்ந்து முயற்சிப்பேன் என்றும் உறுதியளித்துள்ளார். Rishikanth 15 year journey இப்போது புதிய பொறுப்புடன் தொடர்கிறது என அவர் தெரிவித்துள்ளார்.
மேலும், தன்னை ரசிகர்களின் குடும்பங்களில் ஒருவராக ஏற்றுக்கொண்டதற்கு நன்றி தெரிவித்த அவர், இன்று தனக்கு ஒரு மிகப் பெரிய குடும்பம் கிடைத்துள்ளதாக உணர்வதாகக் கூறியுள்ளார்.
