சிறு படங்களுக்கு முக்கியத்துவம் அளிக்கப்படும்
கடந்த ஆண்டு அக்டோபர் முதல் இந்த ஆண்டு செப்டம்பர் வரை வெளியான குறிப்பிடத்தக்க மற்றும் வெற்றிகரமான தமிழ் திரைப்படங்களின் தயாரிப்பாளர்கள் கூட்டத்தில் கௌரவிக்கப்பட்டனர். அவர்களுக்கு கேடயம் மற்றும் பதக்கம் வழங்கப்பட்டது.
நிகழ்ச்சியில் குஷ்பு சுந்தர், சவுந்தர்யா ரஜினிகாந்த், விஜய் ஆண்டனி, கண்ணன் ரவி, தமிழ் திரைப்பட தயாரிப்பாளர்கள் சங்கத் தலைவர் ஜி.கே.எம். தமிழ் குமரன், இணைச் செயலாளர் சுஜாதா விஜயகுமார் உள்ளிட்டோர் கலந்து கொண்டனர்.
பொதுக்குழுவில் நிறைவேற்றப்பட்ட கோரிக்கைகள் அடங்கிய மனுவை சங்க நிர்வாகிகள் அமைச்சரிடம் வழங்கினர். 4 சதவீத உள்ளாட்சி பொழுதுபோக்கு வரியை நீக்குதல், நிலுவையில் உள்ள சிறு முதலீட்டுப் படங்களுக்கான மானியங்களை வழங்குதல், மானியத்தை ரூ.7 லட்சத்தில் இருந்து ரூ.10 லட்சமாக உயர்த்துதல் உள்ளிட்ட கோரிக்கைகள் அதில் இடம்பெற்றிருந்தன.
சினிமா துறைக்கு அரசின் தனிக் கவனம் இருப்பதாகக் கூறிய அமைச்சர், இனி தமிழக அரசு விருதுகள் ஆண்டுதோறும் வழங்கப்படும் என்றார். சிறு பட்ஜெட் படங்களுக்கு முக்கியத்துவம் அளிக்கப்படும் என்றும் தெரிவித்தார். இடைத்தேர்தல் முடிந்த பிறகு Tamil government OTT platform தொடர்பாக முத்தரப்பு பேச்சுவார்த்தை நடத்தப்படும் என்றும் அவர் கூறினார்.
