சட்டமா அதிபர் தாக்கல் செய்த இந்த மனு, இன்று 29ஆம் தேதி நீதியரசர்கள் மயதுன்ன கொரியா மற்றும் லக்மாலி கருணாநாயக்க ஆகியோர் அடங்கிய அமர்வு முன் விசாரணைக்கு எடுத்துக்கொள்ளப்பட்டது. கலகொட அத்தே ஞானசார தேரர் நீதிமன்றத்தில் முன்னிலையாகவில்லை.
நோய் காரணமாக தேரர் ஆஜராகவில்லை
ஞானசார தேரர் உடல்நலக்குறைவால் ஓய்வெடுத்து வருவதாக அவருக்காக ஆஜரான ஜனாதிபதி சட்டத்தரணி அனுர மெத்கொட நீதிமன்றத்தில் தெரிவித்தார். சட்டமா அதிபர் தாக்கல் செய்த மனுவை ஆய்வு செய்து, அதுகுறித்து வாதங்களை முன்வைக்க கூடுதல் கால அவகாசம் வழங்குமாறும் அவர் கோரினார்.
எனினும், சட்டமா அதிபர் சார்பில் ஆஜரான அரச சட்டத்தரணி சஜித் பண்டார, இது குற்றவியல் வழக்கு என்பதால், குற்றஞ்சாட்டப்பட்டவர் நீதிமன்றத்தில் ஆஜராகத் தவறினால் பிடியாணை பிறப்பிக்க வேண்டும் எனக் கோரினார்.
தேரர் தரப்புக்கு மனுவை ஆய்வு செய்து வாதங்களை முன்வைக்க கால அவகாசம் கோரப்பட்டதைத் தொடர்ந்து, விசாரணையை சிறிது நேரத்துக்கு நீதிமன்றம் ஒத்திவைத்தது. Gnanasara Thera prison sentence அமலாக்கம் தொடர்பான அடுத்த நடவடிக்கை பின்னர் தொடரும்.
