அரசியல் மற்றும் சட்டம்
22வது திருத்தத்துக்கு எதிரான மனுக்கள் மீதான விசாரணையை உச்ச நீதிமன்றம் செவ்வாய்க்கிழமை ஆரம்பித்தது. தலைமை நீதிபதி ப்ரீதி பத்மன் சூரசேன தலைமையிலான ஐவர் அமர்வு இந்த மனுக்களை விசாரிக்கிறது.
நீதியரசர்கள் அசல வெங்கப்புலி, அர்ஜுன ஒபேசேகர, சம்பத் அபயக்கூன் மற்றும் கிஹான் குலதுங்க ஆகியோர் அமர்வின் ஏனைய உறுப்பினர்களாவர்.
விசாரணைக்குப் பின்னர் ஊடகங்களிடம் பேசிய கம்மன்பில இந்த அமர்வில் உச்ச நீதிமன்றத்தின் மிக மூத்த நீதிபதிகள் சிலர் இடம்பெறவில்லை என்றும். ஒப்பீட்டளவில் இளைய நீதிபதி ஒருவர் இடம்பெற்றுள்ளதாகவும் தெரிவித்தார்.
“அதிக அனுபவமுள்ள நீதிபதிகளை மேலும் இரண்டு ஆண்டுகள் பதவியில் தக்கவைத்துக்கொள்வதற்காகவே 22வது திருத்தம் அவசியம் என அரசாங்கம் தொடர்ந்து வாதிட்டு வருகிறது,” என்று அவர் கூறினார்.
முக்கியமான அரசியலமைப்பு விவகாரத்தைத் தீர்மானிக்கும் அமர்வை அமைப்பதில் மூப்பு மற்றும் கூடுதல் அனுபவ ஆண்டுகள் எப்போதும் தீர்மானிக்கும் காரணிகளாக இல்லை என்பதை இந்தத் தெரிவு. காட்டுவதாகவும் கம்மன்பில குறிப்பிட்டார்.
இந்த நிலைமை, அரசாங்கத்தின் வாதத்துக்கு “ஒரு பின்னடைவு” என அவர் வர்ணித்தார்.
மேலும் தொடர்புடைய செய்திகளை Visa பகுதியில் பார்க்கலாம்.
மேலும் தொடர்புடைய செய்திகளை Visa பகுதியில் பார்க்கலாம்.
