குன்னத்தூர் பகுதியைச் சேர்ந்த 52 வயதான பிளம்பிங் தொழிலாளிக்கு மூன்று மகள்கள் உள்ளனர். அவர்களில் மூன்றாவது மகள் நெல்லை டவுனில் உள்ள பள்ளியில் 10-ம் வகுப்பு படித்து வருகிறார். தந்தை மதுப்பழக்கத்திற்கு அடிமையாக இருந்ததாகவும், வீட்டில் யாரும் இல்லாத நேரங்களில் மாணவிக்கு தொடர்ந்து பாலியல் தொல்லை கொடுத்ததாகவும் புகாரில் தெரிவிக்கப்பட்டுள்ளது.
சிங்கப்பெண் படையினரிடம் மாணவி அளித்த புகார்
இந்த விவரத்தை வீட்டினரிடம் தெரிவித்தால் கொலை செய்து விடுவதாக மாணவியை தந்தை மிரட்டியதாக கூறப்படுகிறது. இதனால் அவர் தாயார், சகோதரிகள், தாத்தா மற்றும் பாட்டியிடம் எதுவும் கூறாமல் இருந்துள்ளார்.
சமீபத்தில் மாணவி படிக்கும் பள்ளிக்கு சென்ற சிங்கப்பெண் அதிரடிப் படையினர், பாலியல் தொல்லை குறித்து விழிப்புணர்வு ஏற்படுத்தியதுடன், மாணவிகள் அச்சமின்றி புகார் அளிக்க வேண்டும் என்றும், புகார்தாரரின் பெயர் ரகசியமாக வைக்கப்படும் என்றும் தெரிவித்துள்ளனர். அவசர உதவி எண்களையும் வழங்கியுள்ளனர்.
மீண்டும் தொல்லை ஏற்பட்டதாக கூறப்படும் நிலையில், மாணவி அந்தப் படையினரைத் தொடர்புகொண்டு புகார் அளித்தார். இதையடுத்து குன்னத்தூருக்கு சென்ற சிங்கப்பெண் படையினர், குற்றச்சாட்டுக்குள்ளான தந்தையை நெல்லை அனைத்து மகளிர் காவல் நிலையத்தில் ஒப்படைத்தனர். Tirunelveli POCSO case-ல் போலீஸார் வழக்குப்பதிவு செய்து அவரைக் கைது செய்து சிறையில் அடைத்தனர்.
