டென்மார்க் குடியேற்ற அலுவலகம் (SIRI) கிரீன்லாந்தில் வேலை செய்ய விரும்பும் வெளிநாட்டவர்களுக்கான தங்கும் மற்றும் வேலை அனுமதி காலம் தொடர்பான நடைமுறையை மாற்றியுள்ளதாக அறிவித்துள்ளது.

இதுவரை கிரீன்லாந்தில் வேலை செய்ய வெளிநாட்டவர்களுக்கு வழங்கப்படும் ரெசிடென்ஸ் மற்றும் வேலை அனுமதி அதிகபட்சம் ஒரு ஆண்டிற்கே வழங்கப்பட்டு வந்தது. இதனால் அடுத்தடுத்த ஆண்டுகளிலும் புதுப்பிப்பு விண்ணப்பம் தாக்கல் செய்ய வேண்டிய கட்டாயம் இருந்தது.

📢 உங்கள் வணிக விளம்பரங்களுக்கு இன்றே அழையுங்கள்!

WhatsApp / Call: +94 76 572 9042

ஆனால், கிரீன்லாந்து Landsting Act (Labour Access Regulation) படி சில பணியிடங்களில் உள்ளூர் (Greenlandic) தொழிலாளர்கள் கிடைக்காத நிலை ஏற்பட்டால் முதலாளிகள் மாநகராட்சி அனுமதி பெற வேண்டும். இத்தகைய அனுமதி அதிகபட்சம் இரண்டு ஆண்டுகள் வரை வழங்கப்படும்.

• இதன் அடிப்படையில், 2025 ஆகஸ்ட் 22 முதல், SIRI புதிய நடைமுறையை அமல்படுத்தப்பட்டுள்ளது.

• கிரீன்லாந்தில் வேலை அடிப்படையில் தங்கும் அனுமதி இனிமேல் அதிகபட்சம் இரண்டு ஆண்டுகள் வழங்கப்படும்.

• இந்த காலம் பணியாளர் பெற்றுள்ள மாநகராட்சி அனுமதியுடன் பொருந்தும் வகையில் நிர்ணயிக்கப்படும்.

• இனிமேல் ஒவ்வொரு ஆண்டும் புதுப்பிப்பு விண்ணப்பிக்க வேண்டிய அவசியம் குறையும்.

• வெளிநாட்டு தொழிலாளர்களின் குடும்பத்தினருக்கும் முதன்மை அனுமதியாளரின் (main applicant) காலத்திற்கு இணையாக அதே கால அவகாசம் வழங்கப்படும்.

இந்த புதிய மாற்றத்தின் மூலம், வெளிநாட்டு தொழிலாளர்களுக்கு இனி நிலையான வேலை அனுமதி கிடைக்கப்போகிறது. இதனால் முதலாளிகளும் பணியாளர்களும் வருடந்தோறும் விண்ணப்பம் புதுப்பிக்க வேண்டிய நிர்வாக சுமை குறையும். மேலும், பணியாளர்கள் தங்களின் குடும்பத்தினருடன் கிரீன்லாந்தில் தங்குவதற்கான வாய்ப்பும் மேம்படும்.