இப்படத்தில் லிவிங்ஸ்டன், ப்ரியாலயா, துளசி, பிக்பாஸ் அபிராமி, ஏ.வெங்கடேஷ் உள்ளிட்டோர் முக்கிய கதாபாத்திரங்களில் நடித்துள்ளனர். வெளியீட்டை முன்னிட்டு நடைபெற்ற பத்திரிகையாளர் சந்திப்பில் படக்குழுவினர் கலந்துகொண்டு பேசினர்.
மனித தலைமுடியைச் சுற்றியுள்ள வணிக வலையமைப்பு
யாருக்கும் தெரியாமல் நடைபெறும் பெரிய நிழல் வணிகம், நடுத்தர குடும்பத்தைச் சேர்ந்த ஓர் இளைஞனை எவ்வாறு பாதிக்கிறது என்பதே படத்தின் மையக்கதை. உண்மைச் சம்பவங்களின் அடிப்படையில் படம் உருவாக்கப்பட்டுள்ளதாக படக்குழு தெரிவித்துள்ளது.
Black Gold Tamil film குறித்து பேசிய நடிகர் வெற்றி, இந்தப் படம் தனது திரைப்பயணத்தில் மிகவும் முக்கியமானது என்றார். பொதுவாக ‘பிளாக் கோல்டு’ என்றால் கச்சா எண்ணெய் அல்லது மிளகு என பலர் நினைக்கலாம் என்றும், இப்படத்தில் அந்தப் பெயர் மனிதர்களின் தலைமுடியைக் குறிக்கிறது என்றும் அவர் விளக்கினார்.
தலைமுடிக்குப் பின்னால் நடைபெறும் மிகப்பெரிய வணிகமும், அதன் பின்னணியில் இயங்கும் வலையமைப்பும் கதையில் இடம்பெறுவதாக வெற்றி கூறினார். இதனுடன் ஒரு குடும்பக் கதையும், அப்பா–மகன் இடையிலான உணர்வுபூர்வமான உறவும் இணைக்கப்பட்டுள்ளதாக அவர் தெரிவித்தார்.
