நஸ்ரியா குறித்து சூர்யா பகிர்ந்த தகவல்
விழாவில் பேசிய நடிகர் சூர்யா, ‘சீன்’ படத்தில் நடிக்க நஸ்ரியாவிடம் ஏற்கெனவே மூன்று முறை கேட்டதாகத் தெரிவித்தார். அந்த மூன்று முறையும் அவர் மறுத்ததாகவும், நான்காவது முறையாக இந்தப் படத்தில் நடிக்க சம்மதித்ததாகவும் சூர்யா கூறினார்.
கடந்த 10 முதல் 12 ஆண்டுகளில் பல நடிகர்கள் மற்றும் இயக்குநர்களின் பட வாய்ப்புகளை நஸ்ரியா மறுத்துள்ளதாகவும் அவர் குறிப்பிட்டார். இறுதியாக இந்தப் படத்தில் நடிக்க ஒப்புக்கொண்டதற்கு நன்றி தெரிவித்த சூர்யா, நஸ்ரியா இயல்பான நடிகை என்றும் பாராட்டினார்.
ஜித்து மாதவன் இயக்கியுள்ள இப்படம் மர்மம், கிறுக்குத்தனம் மற்றும் நகைச்சுவை கலந்த படமாக இருக்கும் என்று சூர்யா கூறினார். ‘சீன்’ படத்தில் நஸ்லென், ஜான் விஜய், ஆனந்த் ராஜ் உள்ளிட்டோரும் நடித்துள்ளனர். 12 ஆண்டுகளுக்குப் பிறகு தமிழ் சினிமாவில் நஸ்ரியா மீண்டும் நடிக்கும் படமாகவும், சூர்யாவுடன் அவர் முதன்முறையாக இணைந்து நடிக்கும் படமாகவும் இது அமைந்துள்ளது.
ழகரம் ஸ்டூடியோஸ் சார்பில் சூர்யா மற்றும் ஜோதிகா தயாரித்துள்ள Suriya Nazriya Seenu movie, நவம்பர் 6 அன்று வெளியாக உள்ளது.
