2016ஆம் ஆண்டு அக்டோபர் 24ஆம் தேதி, ஆப்கானிஸ்தான், சிரியா, எரித்திரியா, சூடான், ஈராக் உள்ளிட்ட நாடுகளைச் சேர்ந்த ஆயிரக்கணக்கானோர் காவல்துறை பாதுகாப்புடன் பேருந்துகளில் ஏற்றப்பட்டனர். பின்னர் அவர்கள் பிரான்ஸின் பல்வேறு பகுதிகளில் உள்ள வரவேற்பு மற்றும் தங்குமிடங்களுக்கு அனுப்பப்பட்டனர். 2015 ஏப்ரல் முதல் சுமார் 10,000 புலம்பெயர்ந்தோருக்கு தற்காலிகத் தங்குமிடமாக இருந்த முகாமை அகற்றும் நடவடிக்கை இதன் மூலம் தொடங்கியது.
Calais Jungle camp விட்டுச் சென்ற மனித நினைவுகள்
முகாம் இருந்த இடத்தில் இப்போது அதன் தடயங்கள் எதுவும் இல்லை. 2026 அக்டோபரில் அந்தப் பகுதி புல்வெளி, காட்டுப்பூக்கள் மற்றும் மேயும் ஆடுகளுடன் அமைதியாகக் காணப்பட்டது. எனினும், அங்கு பணியாற்றியவர்களின் நினைவில் அந்த இடம் இன்னும் உயிருடன் உள்ளது.
மனிதாபிமானப் பணியாளர் பெர்ரி மாத்யூஸ்வென், முகாமில் இருந்த நட்புகள், இரவுநேர உரையாடல்கள் மற்றும் குடிசைகளின் நினைவுகளைப் பகிர்ந்தார். ஓய்வுபெற்ற மிஷெல் த்ரொஞ்சோ, பனிப்பொழிவிலும் புலம்பெயர்ந்தோருக்கு உணவு வழங்கியதையும், முகாமில் உணவகங்கள், முடிதிருத்தும் கடை, தேவாலயம், பள்ளிவாசல் மற்றும் நடன அரங்கம் இருந்ததையும் நினைவுகூர்ந்தார்.
முகாமில் சுகாதாரக் குறைபாடு, பாதுகாப்பின்மை மற்றும் சாலை அபாயங்கள் இருந்ததாக முன்னாள் உதவியாளர்கள் தெரிவித்தனர். அதே நேரத்தில், அங்கு தங்கியிருந்த சிலர் பின்னர் புதிய வாழ்க்கையைத் தொடங்கியதாகவும் கூறினர். முகாம் அகற்றப்பட்டபோதிலும், காலே பகுதியில் புலம்பெயர்வு தொடர்வதாகவும், அதன் பிந்தைய நிலைமை கடந்த 10 ஆண்டுகளாகப் பதற்றத்தை ஏற்படுத்தி வருவதாகவும் அவர்கள் குறிப்பிட்டனர்.
