காவிரி தொழில்நுட்பக் குழும துணைத் தலைவர் பதவி காலி
காவிரி தொழில்நுட்பக் குழுமம் மற்றும் மாநிலங்களுக்கு இடையேயான நீர்ப்பிரிவின் துணைத் தலைவராக இருந்த எம். செல்வராஜின் ராஜினாமா 2026 ஜூன் 28 அன்று ஏற்றுக்கொள்ளப்பட்டதாக அண்ணாமலை கூறியுள்ளார். அந்தப் பதவியை மீண்டும் நிரப்புவதற்கான அரசாணை, சுமார் மூன்றரை மாதங்களுக்குப் பிறகு அக்டோபர் 9 அன்று வெளியிடப்பட்டதாகவும் அவர் குறிப்பிட்டுள்ளார்.
அரசாணை வெளியிடப்பட்டு ஒரு மாதத்திற்கும் மேலாகியும், புதிய Cauvery Technical Cell deputy chairman நியமிக்கப்பட்டதாகத் தகவல் இல்லை என அவர் தெரிவித்துள்ளார். காவிரி டெல்டா மாவட்டங்களில் சம்பா சாகுபடிக்குத் தேவையான தண்ணீர் கிடைக்காத நிலை, காவிரி நீர்ப் பங்கீட்டுப் பிரச்சினை மற்றும் கர்நாடகத்தின் மேகதாது அணைத் திட்ட விவகாரம் தொடரும் நிலையில், இந்தப் பதவி காலியாக இருப்பது நிர்வாகக் குறைபாடு என்றும் அவர் கூறியுள்ளார்.
மேகதாது அணை விவகாரம் தொடர்பாக தமிழக அமைச்சர்கள் N. ஆனந்த் மற்றும் ஆதவ் அர்ஜுனா ஆகியோர் மத்திய நீர்வளத்துறை அமைச்சரைச் சந்தித்து மனு அளிக்க உள்ளதாக செய்திகள் வெளியாகியுள்ளன. மாநிலத்தின் சொந்த நிர்வாகக் கட்டமைப்பை வலுப்படுத்தி, முக்கியப் பொறுப்புகளுக்கான நியமனங்களை உரிய நேரத்தில் மேற்கொள்ளாமல் மத்திய அமைச்சரைச் சந்திப்பது மட்டுமே தீர்வாகாது என்றும், இத்தகைய நிர்வாகத் தாமதமும் பொறுப்பின்மையும் ஏற்றுக்கொள்ளத்தக்கதல்ல என்றும் அண்ணாமலை தெரிவித்துள்ளார்.






























