வகுப்பறை சம்பவம் குறித்து புகார்
கே.கே.நாயுடு மேல்நிலைப்பள்ளியில் படித்து வந்த அகிலன், வீட்டில் தூக்கிட்டு தற்கொலை செய்துகொண்டதாக தெரிவிக்கப்பட்டுள்ளது. மாணவரின் தாய் கெளசல்யா தேவி அளித்த புகாரில், ஆசிரியர் விஜயகுமார் வகுப்பறையில் தாழ்த்தப்பட்ட மாணவர்கள் யார் என்றும், மாட்டுக்கறி சாப்பிடுபவர்கள் யார் என்றும் கேட்டதாகக் கூறியுள்ளார்.
அப்போது அகிலன் உள்ளிட்ட மாணவர்கள் எழுந்து நின்றதாகவும், அதன் பின்னர் இரு சக மாணவர்கள் சாதியின் பெயரைச் சொல்லி அவரை திட்டியும் அடித்தும் வந்ததாகவும் புகாரில் தெரிவிக்கப்பட்டுள்ளது. இதுகுறித்து ஆசிரியரிடம் கூறியும் நடவடிக்கை எடுக்கப்படவில்லை எனவும், தலைமையாசிரியரிடம் மாணவருக்கு ஏற்பட்ட மன உளைச்சல் குறித்து தெரிவித்தும் பயனில்லை எனவும் தாய் கூறியுள்ளார்.
சாதிய ரீதியான மன உளைச்சல் மற்றும் விளையாட்டில் சேர்த்துக்கொள்ளப்படாத நிலை காரணமாக அகிலன் தற்கொலை செய்துகொண்டதாக புகாரில் குறிப்பிடப்பட்டுள்ளது. Coimbatore student suicide case தொடர்பாக கைது செய்யப்பட்ட ஆசிரியர் விஜயகுமாரிடம் பீளமேடு போலீசார் விசாரணை நடத்தி வருகின்றனர்.
