இந்த மதிப்பீடு ஐக்கிய நாடுகளின் போதைப்பொருள் மற்றும் குற்றத் தடுப்பு அலுவலகமும், சர்வதேச இடம்பெயர்வு அமைப்பும் வெளியிட்ட கூட்டு அறிக்கையில் இடம்பெற்றுள்ளது. நான்கு முக்கிய கடல் வழித்தடங்களில், ஆட்கடத்தல்காரர்களின் உதவியுடன் 190,000 முதல் 209,000 பேர் வரை பயணித்ததாக கணிக்கப்பட்டுள்ளது.
மத்திய மத்தியதரைக் கடல் வழித்தடம் முதலிடம்
வட ஆப்பிரிக்காவை இத்தாலி மற்றும் மால்டாவுடன் இணைக்கும் மத்திய மத்தியதரைக் கடல் வழித்தடமே அதிகம் பயன்படுத்தப்பட்டதாக அறிக்கை கூறுகிறது. இந்தப் பாதையில் 84,000 முதல் 100,400 பேர் வரை சென்றிருக்கலாம். அவர்களில் வட ஆப்பிரிக்கா அல்லது துருக்கியில் இருந்து பயணிக்க முயன்றவர்களில் கிட்டத்தட்ட பாதிப் பேர், தலா 7,500 டாலருக்கு மேல் செலுத்தியதாக தெரிவித்துள்ளனர்.
அட்லாண்டிக் கடல் வழியாக வடமேற்கு ஆப்பிரிக்காவில் இருந்து ஸ்பெயினின் கனரி தீவுகளுக்குச் செல்லும் பாதையில், ஒருவரிடம் வசூலிக்கப்பட்ட தொகை 170 டாலர் வரை குறைந்திருந்தது. கிழக்கு மத்தியதரைக் கடல் வழியில் 48,400 முதல் 51,300 பேரும், அட்லாண்டிக் வழியில் சுமார் 33,000 பேரும், மேற்கு மத்தியதரைக் கடல் வழியில் சுமார் 24,500 பேரும் சென்றதாக மதிப்பிடப்பட்டுள்ளது.
Europe migrant smuggling routes தொடர்பான அறிக்கையில், 2025ல் இந்தக் கடல் பாதைகளில் சுமார் 3,404 பேர் உயிரிழந்தோ காணாமல் போயோ இருப்பதாகவும், 104,200 பேர் கடலில் தடுத்து நிறுத்தப்பட்டு திருப்பி அனுப்பப்பட்டதாகவும் தெரிவிக்கப்பட்டுள்ளது. ஆட்கடத்தல்காரர்களுக்கு பணம் செலுத்துவது பாதுகாப்பான பயணத்திற்கோ, ஐரோப்பாவை அடைவதற்கோ உத்தரவாதம் அளிக்காது என ஐ.நா. அலுவலகம் எச்சரித்துள்ளது.
