‘மஞ்சணத்தி’ படத்தின் முதல் கட்டப் பணிகள் நிறைவு
‘பைசன்’ படத்துக்குப் பிறகு மாரி செல்வராஜ் இயக்கும் இந்தப் படத்துக்கு இளையராஜா இசையமைக்கிறார். கதிர், பிரியங்கா மோகன், கயாடு லோஹர் ஆகியோர் முக்கிய கதாபாத்திரங்களில் நடிக்கின்றனர். பூர்ணிமா ரவி, விது, காக்கா முட்டை விக்னேஷ் உள்ளிட்டோரும் படத்தில் இடம்பெறுகின்றனர்.
செப்டம்பர் 7ஆம் தேதி தொடங்கிய படப்பிடிப்பு தற்போது முதல் கட்டத்தை நிறைவு செய்துள்ளது. இது தொடர்பாக கயாடு லோஹர் வெளியிட்ட பதிவில், “ஒரு வித்தியாசமான உலகம்; ஒரு வித்தியாசமான பள்ளி; ஒரு வித்தியாசமான நான். விஷயங்களை சற்று வித்தியாசமாக பார்க்க வைத்த ஒரு கதை சொல்லி. ‘மஞ்சணத்தி’ ஷெட்யூல் நிறைவடைந்தது” எனக் குறிப்பிட்டுள்ளார்.
நவ்வி ஸ்டூடியோஸ் சார்பில் திவ்யா மாரி செல்வராஜ் வழங்கும் இப்படத்தை ஃபார்ச்சூன் என்டர்டெயின்மென்ட் நிறுவனத்தின் சுஷாந்த் பிரசாத் இணைந்து தயாரிக்கிறார். ஒளிப்பதிவை எழில் அரசு கேவும், படத்தொகுப்பை செல்வா ஆர்கேவும், கலை இயக்கத்தை ராமு தங்கராஜும் மேற்கொள்கின்றனர். Manjanathi shooting schedule நிறைவடைந்துள்ள நிலையில், அடுத்த கட்டப் படப்பிடிப்பு குறித்த தகவல் வெளியாகவில்லை.
