சைபர் புல்லிங் குற்றச்சாட்டும் மறுப்பும்
சுமார் ஐந்து ஆண்டுகளாக ‘ஃபைனான்ஸ் வித் ஹரிஷ்’ என்ற பெயரில் செயல்பட்டு வந்த ஹரிஷுக்கு இன்ஸ்டாகிராமில் சுமார் 1.3 மில்லியன் பின்தொடர்பவர்கள் இருந்ததாக கூறப்படுகிறது. அவரது காணொளிகளில் பங்குகள் மற்றும் மியூச்சுவல் ஃபண்டுகள் தொடர்பான தகவல்களும் இடம்பெற்றன.
ஹரிஷிடம் SEBI-யின் RIA பதிவு இல்லை என்றும், AMFI-யின் ARN எண்ணை அவர் சமீபத்தில்தான் பெற்றதாகவும் ஜேசன் சாமுவேல் ஒரு காணொளியில் கூறியிருந்தார். அதேவேளை, ஹரிஷை இணையவழியில் அச்சுறுத்தவோ துன்புறுத்தவோ இல்லை என்று ஜேசன் பின்னர் மறுத்துள்ளார். உரிய பதிவு பெற்றுக்கொண்டு பணியைத் தொடருமாறு மட்டுமே கூறியதாகவும் அவர் தெரிவித்துள்ளார்.
ஹரிஷின் தந்தை உள்ளிட்டோர் ஜேசன் மீது குற்றச்சாட்டு முன்வைத்துள்ள நிலையில், ஹரிஷின் மரணத்துக்கு அவருடைய காணொளியே காரணமா என்பது அதிகாரப்பூர்வமாக உறுதி செய்யப்படவில்லை. ஹரிஷிடம் தேவையான சான்றிதழ்கள் இருந்ததா என்பதும் இதுவரை அதிகாரப்பூர்வமாக வெளியாகவில்லை.
நிதி ஆலோசனைகளில் பதிவு சான்றிதழ்களின் அவசியம்
இந்த விவகாரத்துக்குப் பிறகு, பங்குகள் மற்றும் மியூச்சுவல் ஃபண்டுகள் குறித்து பேசும் பல நிதி இன்ஃப்ளூயன்சர்களிடமும் பதிவு சான்றிதழ்கள் குறித்து கேள்விகள் எழுப்பப்படுகின்றன. Harish cyber bullying controversy, பொதுமக்களின் பணம் மற்றும் நம்பிக்கையை பாதிக்கக்கூடிய நிதி ஆலோசனைகளில் பொறுப்புணர்வு அவசியம் என்பதையும் முன்வைத்துள்ளது. எந்தப் பிரச்னைக்கும் தற்கொலை தீர்வாகாது என்பதும் வலியுறுத்தப்படுகிறது.
