கூண்டிலிருந்து வெளியே வந்த சிங்கம் தாக்கியது
லாகூரின் கஹ்னா பகுதியில் உள்ள தனியார் வனவிலங்கு இனப்பெருக்கப் பண்ணையில் தல்ஹா என்ற இளைஞர் பணியாற்றி வந்தார். அங்கு வீடியோ பதிவு செய்வதற்காக வந்த சமூக வலைதளப் பிரபலமான நௌமான் ஹசன், கூண்டிலிருந்த பெண் சிங்கத்தை வெளியே கொண்டுவரச் சொன்னதாகக் கூறப்படுகிறது.
வீடியோ படப்பிடிப்பின்போது சிங்கம் கட்டுப்பாட்டை இழந்து தல்ஹாவைத் தாக்கியது. பலத்த காயமடைந்த அவர் மருத்துவமனைக்கு அழைத்துச் செல்லப்பட்டார். எனினும், சிகிச்சை பலனின்றி உயிரிழந்தார். இந்த Lahore lion attack சம்பவம் தொடர்பாக லாகூர் காவல்துறையினர் விசாரணை நடத்தி வருகின்றனர்.
சம்பவத்தைத் தொடர்ந்து பண்ணையின் உரிமையாளர் ஃபய்யாஸ் மற்றும் TikTok பிரபலமான நௌமான் ஹசன் ஆகியோர் கைது செய்யப்பட்டுள்ளனர். தாக்குதலில் ஏற்பட்ட காயங்களை முதலில் நாய் கடித்ததாகக் கூறி சம்பவத்தை மறைக்க முயன்றதாகவும் காவல்துறை விசாரணையில் தெரியவந்துள்ளது.
தாக்குதல் நடத்திய சிங்கம் வனத்துறையிடம் ஒப்படைக்கப்பட்டுள்ளது. பண்ணைக்கு உரிய அனுமதி இருந்ததா, அங்கு போதுமான பாதுகாப்பு ஏற்பாடுகள் செய்யப்பட்டிருந்தனவா என்பதையும் அதிகாரிகள் விசாரித்து வருகின்றனர்.
