மோதல் தொடர்பான பொலிஸ் விசாரணை
சந்தேகநபர், 120ஆம் வழித்தடத்தில் ஹொரணையிலிருந்து கொழும்பு நோக்கி சேவையில் ஈடுபடும் சொகுசு பேருந்தை ஓட்டிச் சென்றுள்ளார். அப்போது, கஹதுடுவையிலிருந்து கொழும்பு நோக்கிப் பயணித்த மெட்ரோ பேருந்தின் முன்புற வலது மூலையில் அவரது பேருந்து மோதியதாகக் கூறப்படுகிறது.
இந்தச் சம்பவத்தில் மெட்ரோ பேருந்தின் வலதுபுற பக்கக் கண்ணாடியும், அதற்குக் கீழேயிருந்த ஜன்னலும் சேதமடைந்தன. இதனால் சுமார் 342,000 ரூபாய் இழப்பு ஏற்பட்டதாக மதிப்பிடப்பட்டுள்ளது. மோதல் சம்பவம் கண்காணிப்பு கேமராவில் பதிவாகியுள்ளதாகவும் பொலிஸார் தெரிவித்துள்ளனர்.
ஹொரணை, பொகுனுவிட்ட பகுதியைச் சேர்ந்த சந்தேகநபர், பொது சொத்து சட்டத்தின் கீழ் ஒக்டோபர் 10ஆம் திகதி கேஸ்பேவ நீதவான் நீதிமன்றத்தில் முன்னிலைப்படுத்தப்படவிருந்தார். Metro bus collision தொடர்பான மேலதிக விசாரணைகளை பிலியந்தலை பொலிஸார் தொடர்ந்து மேற்கொண்டு வருகின்றனர்.
