ரஷ்ய அதிபர் விளாடிமிர் புதின் கையெழுத்திட்ட உத்தரவின்படி, Metro Cash and Carry நிறுவனத்தின் ரஷ்ய நடவடிக்கைகள் UK Torg RUS என்ற நிறுவனத்தின் தற்காலிக நிர்வாகத்திற்கு மாற்றப்பட்டுள்ளன.
ரஷ்யாவில் மெட்ரோவின் செயல்பாடுகள்
உக்ரைன் போருக்குப் பிறகு மேற்கத்திய நாடுகள் விதித்த தடைகள் காரணமாக பல நிறுவனங்கள் ரஷ்யாவிலிருந்து வெளியேறியபோதும், மெட்ரோ அங்கு பெரிய அளவில் செயல்பாடுகளைத் தொடர்ந்து வந்த சில ஜெர்மன் நிறுவனங்களில் ஒன்றாக இருந்தது.
நிறுவனத்தின் சமீபத்திய ஆண்டு அறிக்கையின்படி, 2024/2025 நிதியாண்டில் ரஷ்யாவில் அதன் விற்பனை 2.6 பில்லியன் யூரோவாக இருந்தது. ஜூன் 30 நிலவரப்படி, மெட்ரோவின் ரஷ்ய குழும நிறுவனங்களிடம் 152 மில்லியன் யூரோ ரொக்கம் மற்றும் அதற்கு இணையான நிதி இருந்ததாக காலாண்டு அறிக்கை தெரிவித்தது.
இந்த மாத தொடக்கத்தில் சுவிட்சர்லாந்தைச் சேர்ந்த நெஸ்லே, பிரான்சின் ஆஷான் மற்றும் முன்னாள் லெராய் மெர்லின் நிறுவனங்களின் வணிகங்கள், சொத்துகள் ஆகியவற்றையும் ரஷ்யா கைப்பற்றியிருந்தது. Metro Russian assets seized நடவடிக்கை, உக்ரைனை ஆதரிக்கும் நாடுகளைச் சேர்ந்த நிறுவனங்களுக்கு எதிரான ரஷ்ய நடவடிக்கைகளின் தொடர்ச்சியாகும்.
ரஷ்யாவை விட்டு வெளியேற விரும்பும் நிறுவனங்களுக்கு அதிபரின் அனுமதி தேவைப்படும் வகையில் விதிகள் கடுமையாக்கப்பட்டுள்ளன. சில நிறுவனங்கள் ஊழியர்கள் மற்றும் குடிமக்களின் நலனை கருத்தில் கொண்டு அங்கே தொடர்ந்தாலும், பல நிறுவனங்கள் தங்களது செயல்பாடுகளை கணிசமாகக் குறைத்துள்ளன.
