மயக்கமடைந்த நிலையில் இருந்த அவரை மருத்துவமனைக்கு கொண்டு சென்றபோது, இதயத் துடிப்பை மீட்டெடுக்க மருத்துவர்கள் சுமார் 40 நிமிடங்கள் முயற்சி செய்தனர். ஆனால் சிகிச்சை பலனளிக்கவில்லை. பின்னர் உடல் பிரேதப் பரிசோதனைக்கு உட்படுத்தப்பட்டு, புனேயில் உள்ள அவரது பண்ணை வீட்டில் தகனம் செய்யப்பட்டது.
பிஎன்எஸ்எஸ் பிரிவு 194ன் கீழ் வழக்கு
கோவாவின் டோனா பவுலாவில் உள்ள இல்லத்திலிருந்து நானா படேகர் இறந்த நிலையில் மணிப்பால் மருத்துவமனையின் விபத்து வார்டுக்கு கொண்டு வரப்பட்டதாக போலீஸ் ஆவணங்களில் குறிப்பிடப்பட்டுள்ளது. மருத்துவமனை மருத்துவர்கள் காலை 8.07 மணிக்கு போலீஸாருக்கு தகவல் தெரிவித்தனர்.
இதையடுத்து போலீஸார் மருத்துவமனை வார்டை பார்வையிட்டு, மருத்துவ அதிகாரியுடன் ஆலோசனை நடத்தினர். பின்னர் உயர் அதிகாரிகளுக்கு தகவல் தெரிவிக்கப்பட்டு, பாரதிய நகரிக் சுரக்ஷா சன்ஹிதா (பிஎன்எஸ்எஸ்) பிரிவு 194ன் கீழ் இயற்கைக்கு மாறான மரணம் என வழக்குப்பதிவு செய்யப்பட்டது.
Nana Patekar unnatural death case விசாரணை, போலீஸ் அதிகாரி நிதின் நாயக் தலைமையில் நடைபெற்று வருகிறது. வழக்குப்பதிவு செய்யப்பட்டுள்ள நிலையில், இதுகுறித்த கூடுதல் விவரங்களை போலீஸார் வெளியிட மறுத்துள்ளனர். பிரேதப் பரிசோதனை முடிவுகள் வெளியான பின்னர் வழக்கின் பிரிவு மாற்றப்படலாம் என தெரிவிக்கப்பட்டுள்ளது.
