இணையதளங்கள், இணையவழி விற்பனைத் தளங்கள், விக்கிப்பீடியா மற்றும் வேர்ட்பிரஸ் உள்ளிட்ட பல்வேறு தளங்களை உருவாக்க PHP பயன்படுத்தப்படுகிறது. இந்தக் குறைபாடுகளை பயன்படுத்தி, அங்கீகாரம் இன்றியே இணைய சேவையகங்களைத் தாக்குபவர்கள் கட்டுப்பாட்டுக்குள் கொண்டு வரவும், முக்கியமான தகவல்களைத் திருடவும் முடியும் என எச்சரிக்கப்பட்டுள்ளது.
உடனடி புதுப்பிப்பை வலியுறுத்தும் அதிகாரிகள்
பிரச்சினையின் தீவிரத்தைக் கருத்தில் கொண்டு, PHP உருவாக்குநர்கள் புதன்கிழமை பாதுகாப்பு இணைப்புகளை வெளியிட்டனர். அனைத்து PHP பயனர்களும் உடனடியாக புதிய பதிப்புக்கு மாற வேண்டும் என அறிவுறுத்தப்பட்டுள்ளது. இணைப்பை உடனடியாகப் பயன்படுத்த முடியாத நிறுவனங்கள் தங்கள் இணையதளங்களை தற்காலிகமாக நிறுத்துமாறு அமெரிக்க தேசிய பாதுகாப்பு அமைப்பு தெரிவித்துள்ளது.
விக்கிமீடியா உள்ளிட்ட சில நிறுவனங்கள் முன்னெச்சரிக்கையாக தங்கள் சேவைகளில் சிலவற்றை நிறுத்தின. பின்லாந்து அரசு, எடின்பரோ நகராட்சி, ஸ்காட்லாந்தின் சில பொது அமைப்புகள் மற்றும் பிற நிறுவனங்களும் இணையதளங்களை தற்காலிகமாக முடக்கியுள்ளன.
PHP security vulnerabilities தொடர்பான தொழில்நுட்ப விவரங்கள் பொதுவெளியில் வெளியாகியுள்ளதால், வரும் வாரங்களில் தாக்குதல் முயற்சிகள் அதிகரிக்கலாம் என நிபுணர்கள் எச்சரித்துள்ளனர். இணையதள உரிமையாளர்கள் பாதுகாப்பு புதுப்பிப்புகளைச் செய்து, சந்தேகத்திற்கிடமான கடவுச்சொல் மாற்றக் கோரிக்கைகள் மற்றும் மோசடி செய்திகளை கவனமாக கையாள வேண்டும்.
