வெளிநாட்டு விண்ணப்பதாரர்கள், தாங்கள் பரிந்துரைக்கும் தொழிலில் அல்லது அதனுடன் நெருங்கிய தொடர்புடைய தொழிலில், கடந்த மூன்று ஆண்டுகளில் குறைந்தது 12 மாதங்கள் திறன் பணியாற்றியிருக்க வேண்டும். இந்தப் பணி தொடர்ச்சியாக இருக்க வேண்டிய அவசியமில்லை. ROI சமர்ப்பிக்கும் நேரத்தில், அழைப்பு பெறும் நேரத்தில் அல்லது மாநிலப் பரிந்துரை வழங்கப்படும் நேரத்தில், அதே தொழிலில் பணியில் இருப்பதும் கட்டாயமல்ல.
வெளிநாட்டு மற்றும் உள்நாட்டு விண்ணப்பதாரர்களுக்கான விதிகள்
பணி அனுபவம் விண்ணப்பதாரரின் தகுதி முடிந்த பிறகு பெற்றதாகவும், வாரத்திற்கு குறைந்தது 20 ஊதியப் பணிநேரம் கொண்டதாகவும் இருக்க வேண்டும். பல்வேறு நிறுவனங்களில் செய்த பணிகளையும் சேர்த்து கணக்கிடலாம். இந்த மாற்றம், வேலை இடைவெளி கொண்டவர்கள், ஒப்பந்தப் பணியாளர்கள் மற்றும் படிப்புக்காக இடைவேளை எடுத்தவர்கள் உள்ளிட்டோருக்கு உதவக்கூடும்.
உள்நாட்டு விண்ணப்பதாரர்கள் Queensland-ல் தற்போது பணியில் இருக்க வேண்டும். Subclass 190க்கு ROIக்கு முந்தைய 12 மாதங்களில் 9 மாத அனுபவமும், Subclass 491க்கு முந்தைய 9 மாதங்களில் 6 மாத அனுபவமும் தேவை. மேலும், 2025–26 வருமான வரி அறிக்கையையும் ATO Notice of Assessment-ஐயும் பெற்றிருக்க வேண்டும்.
Queensland state nomination 2026-27 திட்டத்தில் Subclass 190க்கு 1,850 இடங்களும், Subclass 491க்கு 750 இடங்களும் ஒதுக்கப்பட்டுள்ளன. மாதந்தோறும் ஒரு அழைப்பு சுற்று நடத்த திட்டமிடப்பட்டுள்ளது. தகுதிக்கு செல்லுபடியாகும் திறன் மதிப்பீடு, குறைந்தது 65 புள்ளிகள் மற்றும் தேர்ந்தெடுக்கப்பட்ட விசா வகையின் பிற நிபந்தனைகள் அவசியம். ROI சமர்ப்பிப்பது அழைப்பையோ பரிந்துரையையோ உறுதி செய்யாது.






























