Domestic Worker என்பது ஒரு தனிநபர் அல்லது குடும்பத்தின் வீட்டில் வேலை செய்யும் தொழிலாளர்களைக் குறிக்கும். இதில் வீட்டுப் பணிப்பெண், வீட்டு ஓட்டுநர், சமையல்காரர், துப்புரவாளர், தோட்டக்காரர், குழந்தைப் பராமரிப்பாளர், தனியார் செவிலியர் உள்ளிட்டோர் அடங்குவர்.
ஆனால் நிறுவனங்களில் பணிபுரியும் ஓட்டுநர், தொழிற்சாலைத் தொழிலாளி, அலுவலகத்தைச் சுத்தம் செய்பவர், கட்டுமானத் தொழிலாளி போன்றோர் வீட்டுப் பணியாளர்கள் ஆக கருதப்படமாட்டார்கள்.
நிபந்தனைகள்
சவுதி விதிமுறைகளின்படி ஒரே முதலாளியிடம் தொடர்ச்சியாக 4 ஆண்டுகள் பணியாற்றிய Domestic Worker-க்கு ஒரு மாத முழு சம்பளம் End of Service Benefit (Final Settlement) ஆக வழங்கப்பட வேண்டும்.அதேபோல் 8 ஆண்டுகள் பணியாற்றியிருந்தால் 2 மாத சம்பளமும், 12 ஆண்டுகள் பணியாற்றியிருந்தால் 3 மாத சம்பளமும் வழங்கப்படும். இந்த கணக்கீடு நிறுவன ஊழியர்களுக்கான End of Service Benefit விதிமுறைகளிலிருந்து வேறுபட்டது.
உதாரணம்
- 1 ஆண்டு → EOSB (போனஸ்) உங்களுடைய பேச்சு மொழியில் இல்லை
- 2 ஆண்டு → EOSB (போனஸ்) உங்களுடைய பேச்சு மொழியில் இல்லை
- 3 ஆண்டு → EOSB (போனஸ்) உங்களுடைய பேச்சு மொழியில் இல்லை
- 4 ஆண்டு → 1 மாத சம்பளம்
- 8 ஆண்டு → 2 மாத சம்பளம்
- 12 ஆண்டு → 3 மாத சம்பளம்
அதாவது, ஒவ்வொரு 4 தொடர்ச்சியான ஆண்டுக்கும் ஒரு மாத சம்பளம் வழங்கப்படும்.
மேலும் Domestic Worker-களுக்கு ஓய்வு உரிமைகளும் வழங்கப்பட்டுள்ளன. ஒவ்வொரு வாரமும் குறைந்தது 24 மணி நேர சம்பளத்துடன் கூடிய ஓய்வு நாள் வழங்கப்பட வேண்டும்.
அதேபோல் இரண்டு ஆண்டுகள் தொடர்ந்து பணியாற்றி வேலை ஒப்பந்தம் புதுப்பிக்கப்பட்டால் 30 நாட்கள் சம்பளத்துடன் கூடிய விடுப்பிற்கும் அவர்கள் உரிமையுடையவர்கள். அந்த விடுப்பை பயன்படுத்தாமல் வேலை முடிவடைந்தால், பொருந்தக்கூடிய சூழ்நிலைகளில் அதற்கான பணஈடும் வழங்கப்படலாம்.
வேலை உறவு முடிவடையும் போது Final Settlement-இல் நிலுவை சம்பளம், வழங்கப்பட வேண்டிய End of Service Benefit மற்றும் சட்டப்படி கிடைக்க வேண்டிய பிற தொகைகளும் சேர்த்து வழங்கப்பட வேண்டும். எனவே வீட்டுப் பணிப்பெண், வீட்டு ஓட்டுநர், சமையல்காரர், துப்புரவாளர், தோட்டக்காரர், குழந்தைப் பராமரிப்பாளர், தனியார் செவிலியர் ஆகியோருக்கும் சவுதி சட்டத்தின் கீழ் குறிப்பிட்ட நிபந்தனைகளின் அடிப்படையில் Final Settlement பெறும் உரிமை உள்ளது.
- நிலுவை சம்பளம் (Unpaid Salary)
- பயன்படுத்தாமல் மீதமுள்ள விடுப்புக்கான (Annual Leave) பணம், உரிமை இருந்தால்
- End of Service Benefit (4 ஆண்டு விதிப்படி)
- ஒப்பந்தத்தில் குறிப்பிடப்பட்ட பிற சட்டபூர்வ உரிமைகள்
இது அனைத்தும் உங்களுக்கு கிடைக்க வேண்டியவை பெற்றுக் கொள்ளக்கூடிய சந்தர்ப்பங்கள் இருந்தால் சவுதி அரசாங்கத்தின் உதவியோடு இவற்றைப் பெற்றுக் கொண்டு நாடு திரும்புங்கள்.
உரிமைகள் தொடர்பாக சிக்கல் ஏற்பட்டால் அல்லது Final Settlement சம்பளம் ஒப்பந்தம் விடுப்பு போன்ற விடயங்களில் உதவி தேவைப்பட்டால் House Maid House Driver உள்ளிட்ட Domestic Workers கீழ்க்கண்ட அதிகாரப்பூர்வ வழிகளின் மூலம் தொடர்புகொள்ளலாம்
- Musaned தளத்தில் முறைப்பாடு பதிவு செய்யலாம் அல்லது உதவி பெறலாம்.
- iam.gov.sa
- Musaned Customer Service: 920002866
இதற்கு மேலாக, Saudi Ministry of Human Resources and Social Development (MHRSD)-இன் ஒருங்கிணைந்த உதவி எண் 19911-ஐ தொடர்புகொண்டு தொழிலாளர் உரிமைகள் தொடர்பான தகவல், ஆலோசனை அல்லது முறைப்பாடுகளை பதிவு செய்யலாம்.
