தற்போதுள்ள பயங்கரவாதத் தடுப்புச் சட்டத்தை (PTA) ரத்து செய்ய வேண்டும் என்றும், அரசாங்கம் முன்வைத்துள்ள அரசைப் பயங்கரவாதத்திலிருந்து பாதுகாக்கும் சட்டமூலத்தை (PSTA) வாபஸ் பெற வேண்டும் என்றும் அவர்கள் கோரிக்கை விடுத்தனர்.
புதிய பயங்கரவாத எதிர்ப்புச் சட்டமூலம்
நீதியமைச்சர் ஹர்ஷன நானாயக்கார, Protection of the State from Terrorism Bill எனப்படும் சட்டமூலத்தை ஒக்டோபர் 06ஆம் திகதி நாடாளுமன்றத்தில் சமர்ப்பித்தார். இந்தச் சட்டமூலம், 1979ஆம் ஆண்டின் 48ஆம் இலக்க பயங்கரவாதத் தடுப்பு (தற்காலிக ஏற்பாடுகள்) சட்டத்தை ரத்து செய்து, அதற்குப் பதிலாக புதிய சட்டத்தை அறிமுகப்படுத்த முனைகிறது.
பயங்கரவாதம் மற்றும் அதனுடன் தொடர்புடைய குற்றங்கள் தொடர்பில் அடையாளம் காணுதல், கைது செய்தல், தடுப்புக் காவல், விசாரணை, வழக்குத் தொடருதல் மற்றும் தண்டனை வழங்குதல் ஆகியவற்றுக்கான சட்டக் கட்டமைப்பை இந்த முன்மொழிவு கொண்டுள்ளது.
இலங்கையின் தேசிய பாதுகாப்பையும் பொதுமக்களையும் பயங்கரவாதச் செயல்களிலிருந்து பாதுகாப்பதுடன், நாட்டுக்குள் அல்லது நாட்டுக்கு வெளியே இடம்பெறும் செயல்களையும் கையாள்வதே Sri Lanka Anti-Terrorism Bill-ன் நோக்கமாக குறிப்பிடப்பட்டுள்ளது. மேலும், வெளிநாடுகளில் பயங்கரவாத நடவடிக்கைகளைத் தயாரிக்க இலங்கைப் பிரதேசம் பயன்படுத்தப்படுவதைத் தடுப்பதும் இதில் அடங்குகிறது.
