இந்த தற்காலிக நடவடிக்கையை சுரினாமின் வெளிவிவகாரம், சர்வதேச வர்த்தகம் மற்றும் சர்வதேச ஒத்துழைப்பு அமைச்சகம் அறிவித்துள்ளது. சமீபத்திய குடியேற்றம் தொடர்பான முன்னேற்றங்களை கருத்தில் கொண்டு இந்த மாற்றம் செய்யப்பட்டுள்ளதாக அமைச்சகம் தெரிவித்துள்ளது. ஆனால், இந்த முடிவுக்குக் காரணமான குறிப்பிட்ட குடியேற்றச் சூழல் குறித்து மேலதிக விவரங்கள் வெளியிடப்படவில்லை.
விசா விண்ணப்பிக்கும் வழிமுறைகள்
மெக்சிகோ மற்றும் பொலிவியா நாட்டினர் சுரினாமின் தூதரகங்கள் அல்லது துணைத் தூதரகங்கள் மூலம் விண்ணப்பிக்கலாம். மேலும், VFS Global Suriname மின்னணு விசா இணையவழி தளத்தின் மூலமும் விண்ணப்பங்களைச் சமர்ப்பிக்க முடியும். பயணத்திற்கு முன்பே விசா பெறுவது கட்டாயம்.
செல்லுபடியாகும் இராஜதந்திர அல்லது சேவை கடவுச்சீட்டு வைத்திருப்பவர்கள் இந்த Suriname visa requirement-இல் இருந்து விலக்கு பெறுகின்றனர். இந்த நடைமுறைக்கு முடிவு தேதி எதுவும் அறிவிக்கப்படவில்லை. சம்பந்தப்பட்ட நிறுவனங்களுடன் இணைந்து நிலைமையை அதிகாரிகள் தொடர்ந்து கண்காணித்து, விசா விதியை அவ்வப்போது மதிப்பாய்வு செய்வார்கள்.
பயணிகள், விமான நிறுவனங்கள் மற்றும் பயண முகவர்கள் புதிய Visa விதியை கருத்தில் கொண்டு முன்பதிவு மற்றும் பயணத் திட்டங்களை மேற்கொள்ளுமாறு கேட்டுக்கொள்ளப்பட்டுள்ளனர். சூழ்நிலைகள் அனுமதிக்கும் போது நுழைவு விதிமுறை மீண்டும் பரிசீலிக்கப்படும்.
